சில்லி பாய்ன்ட்…

* பிரைம் வாலிபால் லீக் தொடரில் பெங்களூரு டார்பிடோஸ் அணியுடன் நேற்று மோதிய சென்னை பிளிட்ஸ் அணி 16-14, 15-11, 15-13 என்ற நேர் செட்களில் வென்றது.
* மகளிர் யு-16 தெற்காசிய கால்பந்து போட்டியில் நேபாளம் அணியை 10-0 என்ற கோல் கணக்கில் வீழ்த்திய இந்தியா இறுதிப் போட்டிக்கு முன்னேறியது. பைனலில் இந்தியா – வங்கதேசம் மோதுகின்றன.
* இண்டியன் வெல்ஸ் டென்னிஸ் தொடரில் இருந்து ஸ்பெயின் நட்சத்திரம் ரபேல் நடால் விலகிய நிலையில், அவருக்கு பதிலாக இந்திய வீரர் சுமித் நாகல் பிரதான சுற்றில் களமிறங்குகிறார்.
* அயர்லாந்துடன் ஷார்ஜாவில் நடந்த முதல் ஒருநாள் போட்டியில் ஆப்கானிஸ்தான் 35 ரன் வித்தியாசத்தில் வென்றது. ஆப்கான் 50 ஓவரில் 310/5 (ரகுமானுல்லா குர்பாஸ் 121, இப்ராகிம் ஸத்ரன் 60, முகமது நபி 40, ஹஷ்மதுல்லா 50*). அயர்லாந்து 50 ஓவரில் 275/8 (டெக்டர் 138, டக்கர் 85).
* ஜிம்பாப்வே அணியின் கிரிக்கெட் இயக்குனர் ஹாமில்டன் மசகட்சா ராஜினாமா செய்துள்ளார். ஐசிசி உலக கோப்பை டி20 தொடருக்கு ஜிம்பாப்வே அணி தகுதி பெறத் தவறியதை அடுத்து அவர் இந்த முடிவை எடுத்துள்ளார்.
* மகளிர் ஐபிஎல் டி20 தொடரில் குஜராத் ஜயன்ட்ஸ் அணி வீராங்கனை ஹர்லீன் தியோல் காயம் காரணமாக தொடரின் எஞ்சிய போட்டிகளில் இருந்து விலகியுள்ளார். அவருக்கு பதிலாக மகாராஷ்டிராவை சேர்ந்த பேட்ஸ்வுமன் பார்தி ஸ்ரீகிருஷ்ணா ஃபுல்மாலி சேர்க்கப்பட்டுள்ளார்.

The post சில்லி பாய்ன்ட்… appeared first on Dinakaran.