ராணுவத்திற்கு ஆள் சேர்ப்பு முகாம்

மதுரை, பிப். 25: கோவையில் ராணுவத்திற்கு ஆள் சேர்ப்பு முகாம் நடக்கிறது. கோவை ராணுவ ஆள்சேர்ப்பு அலுவலகத்தில் அக்னிபாத் திட்டத்தின் கீழ் 2024-25ம் ஆண்டுக்கான அக்னிவீர் சேர்க்கை நடத்தப்படுகிறது. இத்தேர்வுக்கு திருமணமாகாத ஆண் விண்ணப்பதாரர்களிடமிருந்து ஆன்லைன் விண்ணப்பங்கள் வரவேற்கப்படுகிறது. தமிழ்நாட்டின் கோயம்புத்தூர், திருப்பூர், சேலம், ஈரோடு, கிருஷ்ணகிரி, திண்டுக்கல், நாமக்கல், நீலகிரி, மதுரை, தேனி மற்றம் தர்மபுரி ஆகிய 11 மாவட்டங்களில் இருந்து விண்ணப்பிக்கலாம்.

ஆன்லைன் விண்ணப்ப தேதி பிப்.13 முதல் மார்ச் 22 வரையாகும். மேலும், ஆன்லைன் தேர்வு தேதி ஏப்.22 ஆகும். 2024-2025க்கு அக்னிவீரர்களின் ஆட்சேர்ப்பு இரு கட்டங்களாக மேற்கொள்ளப்படும் கட்டம்-I ஆன்லைன் கணினி அடிப்படையிலான எழுத்துத் தேர்வு (ஆன்லைன் சிஇஇ) மற்றும் கட்டம் -II ஆட்சேர்ப்பு பேரணி. விண்ணப்பதாரர்கள் www.joinindianarmy.nic.in என்ற இணைய தளத்தில் விண்ணப்பிக்கலாம்.

இந்திய ராணுவத்தில் தேர்ந்தெடுக்கப்படுவது நியாயமானது மற்றும் வெளிப்படையானது மற்றும் தகுதியின் அடிப்படையில் மட்டுமே. இந்திய ராணுவத்தில் தேர்வு அல்லது ஆட்சேர்ப்புக்கு எந்த நிலையிலும் யாருக்கும் லஞ்சம் கொடுக்கப்பட மாட்டாது.ஆட்சேர்ப்பு முகவர்களாக காட்டிக் கொள்ளும் நேர்மையற்ற நபர்களுக்கு வேட்பாளர்கள் இரையாகிவிடக்கூடாது. இத்தகவலை மதுரை கலெக்டர் சங்கீதா தெரிவித்துள்ளார்.

The post ராணுவத்திற்கு ஆள் சேர்ப்பு முகாம் appeared first on Dinakaran.