டெல்லி: பிரதமர் மோடி ‘வசூல் ராஜா’ போல், ED, IT, CBI, போன்றவற்றை தவறாக பயன்படுத்தி, ‘நன்கொடை வியாபாரம்’ செய்து வருகிறார் என காங்கிரஸ் எம்.பி. ராகுல் காந்தி குற்றம்சாட்டியுள்ளார். இது தொடர்பாக காங்கிரஸ் எம்.பி. ராகுல் காந்தி கூறுகையில், பிரதமரின் ‘நன்கொடை, உத்தரவாதம், வியாபாரம்’ திட்டம் பற்றி தெரியுமா? நாட்டில், ‘வசூல் ராஜா’ போல், ED, IT, CBI, போன்றவற்றை தவறாக பயன்படுத்தி, ‘நன்கொடை வியாபாரம்’ செய்து வருகிறார் பிரதமர். மீட்பு முகவர்களாக மாறிய ஏஜென்சிகளின் விசாரணையில், 30 நிறுவனங்கள் விசாரணையின் போது பாஜகவுக்கு ரூ.335 கோடி நன்கொடை அளித்ததாக தகவல்கள் வெளியாகியுள்ளன.
மத்திய பிரதேசத்தில் மதுபான ஆலை உரிமையாளர்கள் ஜாமீன் கிடைத்தவுடன் பாஜகவுக்கு நன்கொடை அளிக்கும் அளவுக்கு வெட்கமின்றி நன்கொடை வியாபாரம் நடந்து வருகிறது. நேர்மையின்மை மற்றும் பிறருக்கு வெவ்வேறு விதிகளால் நண்பரின் நிறுவனம் பயனடைகிறதா? மோடி ஆட்சியில் பாஜகவுக்கு வழங்கப்பட்ட ‘சட்டவிரோத நன்கொடைகள்’ மற்றும் ‘தேர்தல் பத்திரங்கள்’ ஆகியவை ‘எளிதாக தொழில் செய்ய’ உத்தரவாதம் அளிக்கிறது என கூறினார்.
The post பிரதமர் மோடி ‘வசூல் ராஜா’ போல ED, IT, CBI, போன்றவற்றை தவறாக பயன்படுத்தி நன்கொடை வியாபாரம் செய்து வருகிறார்: ராகுல் காந்தி குற்றச்சாட்டு appeared first on Dinakaran.
