- ஆந்திர மாநிலம்
- முதல் அமைச்சர்
- ஜெகன்மோகன் திருமலை
- ஜகன் மோகன்
- கல்யாணமஸ்து
- ஒய்.எஸ்.ஆர்
- ஷாதி தோபா
- தின மலர்
*வங்கி கணக்கில் டெபாசிட் செய்தார், முதல்வர் ஜெகன்மோகன்
திருமலை : ஆந்திர மாநிலத்தில் கல்யாணமஸ்து திட்டத்தில் 10,132 பயனாளிகளுக்கு ரூ.78.53 கோடி திருமண நிதிஉதவியை வங்கி கணக்கில் முதல்வர் ஜெகன்மோகன் நேரடியாக செலுத்தினார். ஆந்திர மாநிலத்தில் கல்யாணமஸ்து, ஒய்எஸ்ஆர் ஷாதி தோபா திட்டத்தில் பிற்படுத்தப்பட்ட பிரிவை சேர்ந்த மாற்றுத்திறனாளிகளுக்கு ரூ.1 லட்சத்து 50 ஆயிரமும், பிற்படுத்தப்பட்டோருக்கு ரூ.50 ஆயிரமும், எஸ்சி பிரிவை சேர்ந்தவர்களுக்கு ரூ.1 லட்சத்து 20 ஆயிரமும், பிற்படுத்தப்பட்டோர் பிரிவில் கலப்பு திருமணம் செய்தவர்களுக்கு ரூ.75 ஆயிரமும், எஸ்சி பிரிவில் கலப்பு திருமணம் செய்தவர்களுக்கு ரூ.1 லட்சம் என ஆண்டுதோறும் திருமண நிதியுதவி வழங்கப்பட்டு வருகிறது.
அதன்படி குண்டூர் மாவட்டம் தாடேபள்ளியில் உள்ள முகாம் அலுவலகத்தில், முதல்வர் ஜெகன் மோகன் ஒய்எஸ்ஆர் கல்யாணமஸ்து, ஒய்எஸ்ஆர் ஷாதி தோபா ஐந்தாவது தவணை 2023ம் ஆண்டு அக்டோபர் முதல் டிசம்பர் வரை காலாண்டில் நடந்த திருமணம் செய்து கொண்ட தகுதியான 10,132 பயனாளிகளுக்கு ரூ.78.53 கோடி திருமண நிதி உதவி பயனாளிகள் வங்கி கணக்கில் செலுத்தினார். பின்னர் ரூ.78.53 கோடிக்கான காசோலையை வழங்கினார்.
அப்போது முதல்வர் ஜெகன் மோகன் பேசியதாவது: திருமணம் செய்வது பெற்றோருக்கு சுமையாக இருக்கக்கூடாது. அதே நேரத்தில் கல்வி தடையாக கூடாது என திருமண உதவித்தொகை பெற பெண்களுக்கு 10ம் வகுப்பை கல்வி தகுதியாக எடுத்து கொண்டோம். இருப்பினும் அரசு இன்டர் படிக்கும் மாணவர்களுக்கு முழு கட்டணத்தை திருப்ப வழங்கப்படுகிறது. கல்வியாண்டின் ஒவ்வொரு ஏப்ரல் மாதமும் ஒருவருக்கு ரூ.20 ஆயிரம் வரை தங்கும் மற்றும் தங்கும் செலவுகளுக்கு விடுதி உதவித்தொகை வழங்கப்படுகிறது.
இந்த இரண்டு திட்டங்களும் இருப்பதால், ஒவ்வொரு பெற்றோரும் தங்கள் பிள்ளைகளின் படிப்பை ஊக்குவிப்பதன் மூலம் டிகிரி பெறுவதற்கு நடவடிக்கை எடுக்க முடிகிறது. ஒரு குடும்பத்தில்
கட்டாயம் அம்மா படித்திருந்தால், அடுத்த தலைமுறையில் குழந்தைகளும் கல்வி வழியில் செல்வார்கள். நம் குடும்பத்தின் எதிர்காலம் மாறினால், நம் வாழ்க்கை மாறினால், நல்ல வேலை கிடைத்தால், நல்ல சம்பளம் கிடைத்தால், நல்ல கல்வி நம் கையில் இருந்தால் அதுவே சொத்தாக கிடைத்தால் நம் வாழ்க்கையை மாற்றும் எனவே கல்வி என்னும் சொத்து நம்மிடம்தான் இருக்கும்.
இந்தத் திட்டம் அனைவருக்கும் கிடைக்கச் செய்து, இந்தத் திட்டத்தைச் செயலகத்துக்குக் கொண்டு சென்றுள்ளோம். கல்வியை ஊக்குவிக்கும் வகையில் பெற்றோர்கள் நடவடிக்கை எடுப்பார்கள் என்ற நம்பிக்கையில் இந்தத் திட்டத்தைச் செயல்படுத்தி வருகிறோம். இதுவரை இந்த திட்டத்தில் 56,194 தம்பதிகள் மற்றும் அவர்களது குடும்பத்தினர் மற்றும் பெற்றோர்கள் பயனடைந்த இந்த ஒரு திட்டத்தில் ரூ.427 கோடி வழங்கப்பட்டுள்ளது. இந்த காலாண்டில் திருமணத்தின் மூலம் இணைந்த தம்பதிகள், பெற்றோர்கள் அனைவருக்கும் எனது நல்வாழ்த்துக்கள்.இவ்வாறு அவர் பேசினார்.
இதையடுத்து திருப்பதி கலெக்டர் அலுவலகத்தில் மெய்நிகர் முறையில் கலெக்டர் லட்சுமி ஷா, திருப்பதி நாடாளுமன்ற உறுப்பினரான குருமுர்த்தி, திருப்பதி நகர மேயர் சிரிஷா, எம்.எல்.சி சுப்பிரமணியம் உள்ளிட்டோ பங்கேற்றனர் அப்போது கலெக்டர் லட்சுமி ஷா பேசியதாவது: ஆந்திர மாநில முதல்வர் ஜெகன்மோகன் முதல்வர் முகாம் அலுவலகத்தில் இருந்து பொத்தானை அழுத்தி அக்டோபர் காலாண்டில் திருமணம் செய்துகொண்ட எஸ்சி, எஸ்டி, மாற்று திறனாளிகள் சிறுபான்மையினர் உள்ளிட்ட தகுதியுள்ள தம்பதிகளுக்கு ஒய்எஸ்ஆர் கல்யாணமஸ்து மற்றும் ஒய்எஸ்ஆர் ஷாதி தோபா திட்டத்தின் கீழ் ரூ.78.53 கோடி நிதியுதவியை பயனாளிகளின் வங்கிக் கணக்கில் டெபாசிட் செய்தார்.
திருப்பதி மாவட்டத்தை சேர்ந்த 433 பயனாளிகளுக்கு ரூ.3.16 கோடி நிதி உதவி வழங்கப்பட்டது. இதனை பயன்படுத்திக் கொள்ள வேண்டும் என்றார். பின்னர் கலெக்டர், எம்.பி, எம்.எல்.சி மற்றும் மேயர் ஆகியோர் பயனாளிகளுக்கு ரூ.3.61 கோடி காசோலையை வழங்கினர். இந்த நிகழ்ச்சியில் டிஆர்டிஏ பி.ஜோதி, சமூக நலன் மற்றும் அதிகாரமளித்தல் அதிகாரி மற்றும் பயனாளிகள் கலந்து கொண்டனர்.
The post ஆந்திர மாநிலத்தில் கல்யாணமஸ்து திட்டத்தில் 10,132 பயனாளிகளுக்கு ரூ.78.53 கோடி திருமண நிதி உதவி appeared first on Dinakaran.
