வாஷிங்டன்: அட்லஸ் நிறுவனத்தின் போயிங் 747-8 ரக சரக்கு விமானம் நடுவானில் பறந்து கொண்டிருந்தபோது தீப்பிடித்ததால் பரபரப்பு ஏற்பட்டுள்ளது. அமெரிக்காவின் அட்லாஸ் ஏர் போயிங் நிறுவனத்திற்கு சொந்தமான சரக்கு விமானம் ஒன்று நடுவானில் தீ பிடித்து விபத்துக்குள்ளானது. அமெரிக்காவின் மியாமி சர்வதேச விமான நிலையத்தில் இருந்து நேற்று இரவு 10:46 மணியளவில் அட்லஸ் ஏர் விமானம் 95 புறப்பட்டுள்ளது.
புறப்பட்ட சிறிது நேரத்திலேயே வானத்தில் விமானம் தீ பற்றி எரிய ஆரம்பித்தது. அதனைத் தொடர்ந்து விமானி உடனடியாக விமானத்தை மியாமி சர்வதேச விமான நிலையத்தில் தரையிறக்கினார். இந்த விமானம் பியூர்டோ ரிக்கோவில் உள்ள சான் ஜுவான் நகருக்கு செல்ல திட்டமிடப்பட்டிருந்தது. விமானம் தரையிறங்கியதும் விமான நிலையத்தில் தயாராக இருந்த பாதுகாப்பு குழுவினர் தீயை அணைத்தனர். இந்த விபத்தில் உயிர்சேதம் எதுவும் ஏற்படவில்லை. விமானம் நடு வானில் தீ பிடித்து எரியும் காட்சி இணையத்தில் வைரலாகி வருகிறது.
The post நடுவானில் தீ பிடித்து எரிந்தபடி சென்ற அமெரிக்க சரக்கு விமானம்: இணையத்தில் வைரலாகும் வீடியோ!! appeared first on Dinakaran.
