- திருப்புலிவனம் கல்லூரி
- காஞ்சிபுரம்
- மதுவிலக்கு அமலாக்கத் துறை
- திருப்புலிவனம் அரசு கலைக் கல்லூரி
- காஞ்சிபுரம் மாவட்டம்
- மதுவிலக்கு அமலாக்கத் துறை
- எஸ்ஐ சந்திரசேகர்
- ஷங்கர்
- அரிகிருஷ்ணன்
- தின மலர்
காஞ்சிபுரம்: காஞ்சிபுரம் மாவட்டம், திருப்புலிவனம் அரசு கலைக்கல்லூரி அருகே 3 இளைஞர்கள் கஞ்சா விற்பனை செய்து கொண்டிருப்பதாக மதுவிலக்கு அமலாக்கத்துறை போலீசாருக்கு ரகசிய தகவல் கிடைத்தது. அதன்பேரில், மதுவிலக்கு அமலாக்கத்துறை எஸ்ஐ சந்திரசேகர், போலீசார் சங்கர் மற்றும் அரிகிருஷ்ணன் ஆகியோர் சம்பவ இடத்திற்குச் சென்று கண்காணித்தபோது, 3 இளைஞர்கள் கஞ்சா விற்பனையில் ஈடுபடுவது தெரியவந்தது.
இதனையடுத்து போலீசார், 3 இளைஞர்களை கைது செய்து நடத்திய விசாரணையில், அவர்கள் செவிலிமேடு, பெரிய தெருவைச் சேர்ந்த விக்ரம் (19), ஓரிக்கை வர்த்தமானன் நகரைச் சேர்ந்த தனுஷ் (20), செவிலிமேடு வள்ளலார் நகரைச் சேர்ந்த சிவக்குமார் (20) ஆகியோர் என்பது தெரியவந்தது. அவர்களிடமிருந்த சுமார் 1 கிலோ 100 கிராம் கஞ்சாவை பறிமுதல் செய்தனர். மேலும், 3 பேரையும் காஞ்சிபுரம் நீதிமன்றத்தில் ஆஜர்படுத்தி புழல் சிறையில் அடைத்தனர்.
The post திருப்புலிவனம் கல்லூரி அருகே கஞ்சா விற்ற 3 பேர் கைது appeared first on Dinakaran.
