திருப்போரூர் கந்தசாமி கோயிலில் உண்டியல் காணிக்கை ரூ.66.41 லட்சம் வசூல்

திருப்போரூர்: திருப்போரூர் கந்தசாமி கோயில் உண்டியல் நேற்று திறந்து எண்ணப்பட்டது. இதில், ரூ.66.41 லட்சம் பக்தர்கள் காணிக்கையாக செலுத்தியிருந்தனர். திருப்போரூர் கந்தசாமி கோயிலில் காணிக்கை உண்டியல் எண்ணும் பணி நேற்று நடைபெற்றது. இந்து சமய அறநிலையத்துறை உதவி ஆணையர் லட்சுமி காந்த பாரதிதாசன், செயல் அலுவலர் குமரவேல், ஆய்வாளர் பாஸ்கரன் ஆகியோர் முன்னிலையில் நடைபெற்ற இந்த உண்டியல் காணிக்கை எண்ணும் பணியில் பக்தர்களால் 66 லட்சத்து 41 ஆயிரத்து 656 ரூபாய் ரொக்கம், 210 கிராம் தங்கம், 1962 கிராம் வெள்ளி ஆகியவை போடப்பட்டிருந்தது. இந்த பணியில் ஏராளமான பக்தர்கள், கோயில் ஊழியர்கள் கலந்துக்கொண்டனர்.

The post திருப்போரூர் கந்தசாமி கோயிலில் உண்டியல் காணிக்கை ரூ.66.41 லட்சம் வசூல் appeared first on Dinakaran.