வல்லம்: தஞ்சாவூர் அருகே திருக்கானூர்பட்டியில் அரசுப் பஸ்சும், பார்சல் சர்வீஸ் லாரியும் மோதிக் கொண்ட விபத்தில், பஸ்சின் டிரைவர், கண்டக்டர் உட்பட மூன்று பேர் படுகாயமடைந்தனர். தஞ்சாவூர் அருகே திருக்கானூர்பட்டியில், தஞ்சாவூர் – புதுக்கோட்டை மற்றும் வல்லம் – ஒரத்தநாடு செல்லும் நான்கு சாலை சந்திப்பு உள்ளது. இந்நிலையில் நேற்று புதுக்கோட்டையில் இருந்து தஞ்சாவூர் நோக்கி அரசு பஸ் வந்து கொண்டிருந்து. இதேபோல் அதிராம்பட்டினத்தில் இருந்து வல்லம் நோக்கி பார்சல் சர்வீஸ் லாரி வேகமாக வந்து கொண்டிருந்தது. திருக்கானூர்பட்டி நால்ரோடு சந்திப்பில் அரசு பஸ் மீது, பார்சல் சர்வீஸ் லாரி வேகமாக மோதி கவிழ்ந்தது. இதில் லாரியில் இருந்த பார்சல்கள் சாலையில் சிதறி விழுந்தன. லாரி மோதிய வேகத்தில் அரசு பஸ் கட்டுப்பாட்டை இழந்து, சாலை பக்கவாட்டில் சுவரில் மோதி நின்றது. இதில், பஸ்சின் முன்பகுதி சேதமானது. இந்த விபத்தில் அரசு பஸ் டிரைவர் தஞ்சாவூர், சுண்ணாம்புக்கார தெருவை சேர்ந்த வினோதன் (54), பஸ் கண்டக்டர் அம்மாபேட்டை கார்த்திகேயன் (53) ஆகிய இருவரும் படுகாயம் அடைந்தனர்.
The post தஞ்சாவூர் அருகே பஸ், பார்சல் லாரி மோதிய விபத்தில் 3 பேர் படுகாயம் appeared first on Dinakaran.
