திருவள்ளூர்: திருவள்ளூர் அடுத்த மேல்நல்லாத்தூர் சரவணா நகரைச் சேர்ந்தவர் பத்மாவதி (75). திருவள்ளூர் – ஸ்ரீபெரும்புதூர் சாலையில் வசிக்கும் இவர் நேற்று முன்தினம் காலை வீட்டிலிருந்த குப்பைகளை எடுத்துக்கொண்டு சாலையை கடந்து குப்பையைக் கொட்டிவிட்டு மீண்டும் திரும்பி வந்து கொண்டிருந்தார். சாலையை கடந்தபோது ஹெல்மெட் அணிந்தபடி பைக்கில் 2 ஆசாமிகள் வேகமாக வந்துள்ளனர்.
அதில் பின்னால் அமர்ந்திருந்தவன் மூதாட்டியின் கழுத்தில் இருந்த 3 சவரன் நகையை பறித்துள்ளான். இதனைத்தொடர்ந்து இருவரும் மின்னல் வேகத்தில் சென்றுள்ளனர். இதுகுறித்து மூதாட்டி திருவள்ளூர் காவல் நிலையத்தில் கொடுத்த புகாரின் பேரில் வழக்குப்பதிவு செய்து ஹெல்மெட் ஆசாமிகளை போலீசார் தேடி வருகின்றனர்.
The post திருவள்ளூர் அருகே மூதாட்டியிடம் நகை பறிப்பு: ஹெல்மெட் ஆசாமிகள் கைவரிசை appeared first on Dinakaran.
