சென்னை: சென்னை – நெல்லை வந்தே பாரத் ரயில் சேவையை குமரி வரை நீட்டிக்கக் கோரி பிரதமர் மோடிக்கு ஓ.பன்னீர்செல்வம் கடிதம் எழுதியுள்ளார். சென்னை – நெல்லை வந்தே பாரத் ரயில் சேவையை பிரதமர் நேற்று தொடங்கி வைத்த நிலையில் ஓ.பன்னீர்செல்வம் கோரிக்கை விடுத்துள்ளார்.
தொடக்கத்தில், சென்னைக்கும் திருநெல்வேலிக்கும் சென்னைக்கும் விஜயவாடாவுக்கும் இடையே இரண்டு புதிய ரயில்கள் உட்பட நாடு முழுவதும் ஒன்பது வந்தே பாரத் ரயில்களை வீடியோ கான்பரன்சிங் மூலம் அறிமுகப்படுத்தியதற்கு எனது மனமார்ந்த நன்றியை தெரிவித்துக் கொள்கிறேன்.
சென்னை எழும்பூர் – திருநெல்வேலி இடையே வந்தே பாரத் எக்ஸ்பிரஸ் ரயிலின் பயண நேரம் தற்போது 12 மணி நேரமாக இருந்து 8 மணி நேரமாக குறைந்துள்ளது தென் தமிழக மக்களுக்கு பெரும் நிம்மதியை அளித்துள்ளது. இருப்பினும், இதை கன்னியாகுமரி வரை நீட்டிக்க வேண்டும் என்று தென் தமிழக மக்கள் விரும்புகின்றனர்.
எனவே வந்தே பாரத் விரைவு ரயிலை கன்னியாகுமரி வரை நீட்டிக்க சம்பந்தப்பட்ட ரயில்வே அதிகாரிகளுக்கு தேவையான அறிவுரைகளை வழங்குமாறு கேட்டுக்கொள்கிறேன் என்று பிரதமர் மோடிக்கு ஓ.பன்னீர்செல்வம் எழுதிய கடிதத்தில் குறிப்பிட்டுள்ளார்.
The post சென்னை – நெல்லை வந்தே பாரத் ரயில் சேவையை குமரி வரை நீட்டிக்கக் கோரி பிரதமர் மோடிக்கு ஓ.பன்னீர்செல்வம் கடிதம் appeared first on Dinakaran.
