புதுடெல்லி: இந்தியா மிக முக்கியமான நாடு தான். ஆனால் பாதுகாப்பு கவுன்சில் உறுப்பினர் பதவியை ஐநா. உறுப்பினர்கள் தான் முடிவு செய்ய வேண்டும் ஜநா பொதுச்செயலாளர் அன்டனியோ குட்ரெஸ் தெரிவித்தார். ஜி20 உச்சி மாநாட்டில் கலந்து கொள்ள டெல்லி வந்த ஐநா பொதுச்செயலாளர் அன்டனியோ குட்ரெஸ் கூறியதாவது: ஐநா பாதுகாப்பு கவுன்சிலில் இந்தியா உறுப்பினராகும் நேரம் இதுதானா என்றால், அந்த குழுவில் யார் இருக்க வேண்டும் என்பதை நான் முடிவு செய்வது இல்லை. அதை உறுப்பினர்கள் தான் முடிவு செய்கிறார்கள். இந்தியா இன்று உலகின் மிகப்பெரிய மக்கள்தொகை கொண்ட நாடாக உள்ளது என்பதும், அது பலதரப்பு அமைப்பில் மிக முக்கியமான உறுப்பினராக இருப்பதும் அனைவரும் அறிந்த ஒன்று. இன்றைய உலகைப் பிரதிபலிக்கும் வகையில் பலதரப்பு அமைப்பில் சீர்திருத்தம் தேவை என்று நம்புகிறேன். அதைச் செய்ய வேண்டிய அவசியம் உள்ளது. ஆனால் அவற்றை ஐநா ஏற்று கொள்ளுமா என்று தெரியவில்லை. ஆனால் இது அவசரமானது என்று நினைக்கிறேன்.
ஜி 20ல் இந்தியாவின் தலைமைத்துவம் உலகிற்கு மிகவும் தேவைப்படும் உருமாறும் மாற்றங்களை அடைய உதவும். ஒரே பூமி, ஒரு குடும்பம் மற்றும் ஒரு எதிர்காலம் என்ற சொற்றொடர் இன்றைய உலகில் ஆழமான அதிர்வலைகளைக் காண்கிறது. நாம் உண்மையில் ஒரு உலகளாவிய குடும்பமாக இருந்தால், இன்று நாம் ஒரு செயலற்ற குடும்பத்தை ஒத்திருக்கிறோம். ஏனெனில் பிரிவுகள் வளர்ந்து வருகின்றன. பதற்றங்கள் ஏற்படுகிறது, நம்பிக்கை சிதைந்து வருகிறது. இது இறுதியில் மோதலின் அச்சத்தை எழுப்புகிறது. இந்த உடைந்த உலகம் நம் காலத்தில் பேரழிவை உச்சரிக்கிறது. வறுமை, பசி மற்றும் சமத்துவமின்மை வளர்ந்து வருகின்றன. உலகளாவிய அளவில் ஒற்றுமை இல்லை. பொது நலனுக்காக நாம் ஒன்றிணைய வேண்டும். ரஷ்யா-உக்ரைன் மோதலுக்கு எதிர்காலத்தில் அமைதியான தீர்வு ஏற்படும் என்று நம்பவில்லை. இரு தரப்பினரும் இன்னும் மோதலை முடிவுக்கு கொண்டுவருவதாக தெரியவில்லை. போரை முடிவுக்குக் கொண்டுவர இந்தியா சமரசம் செய்ய முடியுமா என்று கேட்டால் அனைத்து சமரச முயற்சிகளும் வரவேற்கத்தக்கது. ஆனால் நமக்கு அமைதியான தீர்வு கிடைக்கும் என்று நம்பவில்லை. இவ்வாறு அவர் கூறினார்.
The post பாதுகாப்பு கவுன்சில் உறுப்பினர் பதவி இந்தியா மிக முக்கியமான நாடுதான் ஆனால்: ஐநா பொதுச் செயலாளர் பதில் appeared first on Dinakaran.
