கும்பகோணம், செப். 4: பாபநாசம் ஒழுங்குமுறை விற்பனை கூடத்தில் பருத்தி ஏலம், விற்பனைக்கூட கண்காணிப்பாளர் தாட்சாயினி தலைமையில் நடைபெற்றது.பருத்தி ஏலத்தில் பாபநாசத்தை சுற்றியுள்ள கிராமங்களில் இருந்து மொத்தம் 1,021 லாட் பருத்தி கொண்டு வரப்பட்டன. சராசரியாக 1,329.4 குவிண்டால் பருத்தி விற்பனைக்கு கொண்டுவரப்பட்டது. கும்பகோணம், பண்ருட்டி, விழுப்புரம், சேலம், தேனி, திருப்பூர் பகுதிகளை சேர்ந்த 9 வியாபாரிகள் ஏலத்தில் கலந்து கொண்டனர்.
பருத்தியின் மொத்த மதிப்பு ரூ.88 லட்சம் ஆகும். இதில் தனியார் வியாபாரிகளின் அதிகபட்ச விலை குவிண்டாலுக்கு ரூ.7,059, குறைந்தபட்ச விலை குவிண்டாலுக்கு ரூ.5,409, சராசரி விலை குவிண்டாலுக்கு ரூ.6,279 என்ற அளவில் பருத்தி கொள்முதல் செய்யப்பட்டது.
The post பாபநாசத்தில் ரூ.88 லட்சத்துக்கு பருத்தி ஏலம் appeared first on Dinakaran.
