தூத்துக்குடி, ஆக. 30: தூத்துக்குடியில் வேன் டிரைவரை கத்தியால் தாக்கி செல்போன்களை பறித்த வழக்கில் இருவரை போலீசார் கைது செய்தனர். தூத்துக்குடி ஜோதிபாசு நகரை சேர்ந்தவர் கண்ணன் (44). வேன் டிரைவரான இவர், கடந்த 25ம் தேதி தூத்துக்குடி வெற்றிவேல்புரம் பகுதியில் உள்ள தியேட்டர் அருகே வேனை ஓட்டி வந்துள்ளார். அப்போது அங்கு வந்த லூர்தம்மாள்புரத்தை சேர்ந்த அமல்ராஜ் மகன் விமல்ராஜ் (19), அந்தோணி மகன் சதீஷ் (19) மற்றும் ஒருவர் சேர்ந்து வேனை வழிமறித்து வேனை சேதப்படுத்தி கண்ணனை கத்தியால் தாக்கி அவரிடம் இருந்த 2 செல்போன்களை பறித்து சென்று விட்டனர். இதுகுறித்த புகாரின் பேரில் தாளமுத்துநகர் போலீசார் வழக்கு பதிந்து விமல்ராஜ், சதீஷ் ஆகிய 2 பேரையும் கைது செய்தனர். இவர்களிடம் இருந்து 2 செல்போன்களும் பறிமுதல் செய்யப்பட்டது. கைதான விமல்ராஜ் மீது ஏற்கனவே தாளமுத்துநகர் போலீஸ் நிலையத்தில் 2 திருட்டு வழக்குகளும், சதீஷ் மீது ஒரு திருட்டு வழக்கும் உள்ளது குறிப்பிடத்தக்கது.
The post தூத்துக்குடியில் வேன் டிரைவரை தாக்கி செல்போன் பறிப்பு 2 பேர் கைது appeared first on Dinakaran.
