ராயல்கேர் மருத்துவமனை டாக்டருக்கு விருது

கோவை, ஜூலை 26: கோவை ராயல்கேர் மருத்துவமனை தலைவரும், உயிரின் சுவாசம் அறக்கட்டளை அறங்காவலருமான டாக்டர் கே.மாதேஸ்வரனுக்கு வான் முகில் தொண்டர் விருது வழங்கப்பட்டது. கோவை மாநகர் போலீஸ் கமிஷனர் பாலகிருஷ்ணன் உயிரின் சுவாசம் அறக்கட்டளை மூலம் 10 கோடி மரக்கன்றுகள் 100 மாதங்களில் நடவு செய்து பசுமை மாவட்டங்களாகவும், இயற்கை மிகு மண்டலமாகவும் மாற்றும் நோக்கில், இதுவரை 45 லட்சம் மரக்கன்றுகள் பொதுமக்களுக்கு இலவசமாகவும், பொது இடங்களில் நடவு செய்தும் அடர் வனங்கள் அமைத்ததற்காகவும் விருது வழங்கி வாழ்த்துரை வழங்கினார். இந்த விழாவில் 47 ராயல்கேர் மருத்துவர்களுக்கு கோவிட் காலத்தில் சிறப்பாக பணியாற்றியதற்கு ‘கோவிட் வாரியர்ஸ்’ விருதுகள் தனியார் வானொலி நிறுவனம் சார்பில் வழங்கப்பட்டது. இதில், நூற்றுக்கும் அதிகமான மருத்துவர்கள் மற்றும் அவர்களின் குடும்பத்தினர் கலந்து கொண்டனர்.

The post ராயல்கேர் மருத்துவமனை டாக்டருக்கு விருது appeared first on Dinakaran.