சென்னை: மாநிலத்தின் உரத் தேவையில் 25 சதவீதம் கூட்டுறவுச் சங்கங்கள் மூலமாக விவசாயிகளுக்கு விநியோகிக்கப்பட்டுவருகிறது என கூட்டுறவுத் துறை அமைச்சர் கேஆர்.பெரிய கருப்பன் தெரிவித்துள்ளார். கூட்டுறவுத் துறை அமைச்சர் கேஆர்.பெரிய கருப்பன் பத்திரிகையாளர் சந்திப்பின் போது பேசியதாவது:-
நடப்பு குறுவை மற்றும் சம்பா பருவத்திற்கு தேவையான உரங்கள் தொடக்க வேளாண்மைக் கூட்டுறவு சங்கங்களில் இருப்பு உள்ளது. மாநிலத்தின் உரத் தேவையில் 25 சதவீதம் கூட்டுறவுச் சங்கங்கள் மூலமாக விவசாயப் பெருமக்களுக்கு விநியோகிக்கப்பட்டுவருகிறது.
இதில், ஒருங்கிணைந்த தஞ்சாவூர் மாவட்டத்தில் தஞ்சாவூர் கூட்டுறவு விற்பனை இணையமும் (TCMF) இதர மாவட்டங்களுக்கு தமிழ்நாடு கூட்டுறவு விற்பனை இணையம் (TANFED) உரங்களை தொடக்க வேளாண்மை கூட்டுறவு கடன் சங்கங்களுக்கு வழங்குகின்ற பணியினை மேற்கொண்டு வருகின்றன.
நடப்பு குறுவை பருவத்திற்கு தேவையான உரங்கள் பல்வேறு உர நிறுவனங்களிடமிருந்து தருவிக்கப்பட்டு தொடக்க வேளாண்மைக் கூட்டுறவு கடன் சங்கங்களில் முன்னிருப்பு வைக்கப்பட்டுள்ளது. இந்த ஆண்டு ஜ]ன் 12-ஆம் தேதி காவிரி டெல்டா பாசனத்திற்காக தண்ணீர் திறந்து விடப்பட்டுள்ளது. இதனைத் தொடர்ந்து தஞ்சை, திருவாரூர், நாகப்பட்டினம், மயிலாடுதுறை, கடலூர், அரியலூர் மற்றும் திருச்சிராப்பள்ளி ஆகிய மாவட்டங்களில் குறுவை சாகுபடிக்கான முன்னேற்பாடுகள் தொடங்கப்பட்டுள்ளது.
டெல்டா மாவட்டங்களில் உள்ள தொடக்க வேளாண்மைக் கூட்டுறவு கடன் சங்கங்களில் நாளது தேதியில், 12,785 மெ.டன் ôரியாவும், 9,873 மெ.டன் டி.ஏ.பி, 4,909 மெ.டன் பொட்டாஷ், மற்றும் 6,927 மெ.டன் காம்ப்ளக்ஸ் உரங்கள் ஆகமொத்தம் 34,494 மெ.டன் உரம் இருப்பாக உள்ளது.
இதே போன்று, தமிழ்நாட்டின் பல்வேறு பகுதிகளிலும் பருவ மழை துவங்கி உள்ள நிலையிலும், மேலும் சில நீர்த் தேக்கங்களிலிருந்து விவசாயப் பணிகளுக்காக தண்ணீர் திறந்து விடப்பட்டுள்ள நிலையிலும், மாநிலம் முழுவதும் உள்ள 4,433 தொடக்க வேளாண்மைக் கூட்டுறவு கடன் சங்கங்களில் 34,224 மெ.டன் ôரியாவும், 23,300 மெ.டன், டி.ஏ.பி. உரமும், 11,535 மெ.டன் பொட்டாஷ் உரமும், 27,607 மெ.டன் காம்ப்ளக்ஸ் உரமும், ஆகமொத்தம் 96,666 மெ.டன் உரங்கள் இருப்பாக உள்ளது.
மேலும், சம்பா பருவத்திற்கும் தேவையான உரங்களை கூட்டுறவுகளில் போதுமான அளவு இருப்பு வைப்பதற்கான நடவடிக்கை தொடர்ந்து எடுக்கப்பட்டு வருகிறது. நாளது தேதியில், தமிழ்நாடு கூட்டுறவு விற்பனை இணையம் மற்றும் தஞ்சாவூர் கூட்டுறவு விற்பனை இணையக் கிடங்குகளில் (Buffer Godown) 5,947 மெ.டன் ôரியாவும், 5,444 மெ.டன், டி.ஏ.பி. உரமும், 3,287 மெ.டன் பொட்டாஷ் உரமும், 7,598 மெ.டன் காம்ப்ளக்ஸ் உரமும் கூடுதல் 22,276 மெ.டன் ஆகவும், கூட்டுறவு சங்கங்களில் மொத்தம் 1,18,942 மெ.டன் உரம் இருப்பு உள்ளது.
கூட்டுறவு சங்கங்களில் தேவையான உரங்கள் போதுமான அளவில் இருப்பு வைத்து விவசாயிகளுக்கு தட்டுப்பாடின்றி வழங்குவதற்கான நடவடிக்கைகளை மேற்கொண்டுள்ள நிலையில் விவசாயிகள் கூட்டுறவுச் சங்கங்களில் உரங்கள் பெறுவதில் ஏதேனும் இடர்பாடுகள் இருப்பின், தமிழ்நாடு கூட்டுறவு விற்பனை இணையத்தினை 78457 65003 என்ற தொலைபேசி எண்ணிலும், தஞ்சாவூர் கூட்டுறவு விற்பனை இணையத்தினை 80981 79033 என்ற தொலைபேசி எண்ணிலும் தொடர்பு கொண்டு பயன் பெறலாம். மேலும், மாவட்ட அளவில் அந்தந்த கூட்டுறவு சங்கங்களின் இணைப்பதிவாளர் அவர்களை கீழ்க்கண்ட எண்ணில் தொடர்பு கொண்டு இடர்பாடுகளின்றி உரங்களை பெற்றுக் கொள்ளலாம்.
மாவட்டம் கைப்பேசி எண். மாவட்டம் கைப்பேசி எண்.
அரியலூர் 7338720200 தஞ்சாவூர் 7338721900
கோயம்புத்தூர் 7338720301 தேனி 7338722001
கடலூர் 7338720401 திருநெல்வேலி 7338722100
தர்மபுரி 7338720501 திருப்பூர் 7338720334
திண்டுக்கல் 7338720601 திருவள்ளூர் 7338749100
ஈரோடு 7338720701 திருவாரூர் 7338749200
காஞ்சிபுரம் 7338720801 திருச்சி 7338749300
கன்னியாகுமரி 7338720901 தூத்துக்குடி 7338749400
கரூர் 7338721001 திருவண்ணாமலை 7338749500
கிருஷ்ணகிரி 7338720525 வேலூர் 7338749600
மதுரை 7338721100 விழுப்புரம் 7338749700
நாகப்பட்டினம் 7338721201 விருதுநகர் 7338749800
நாமக்கல் 7338721300 திருப்பத்தூர் 9176001553
நீலகிரி 7338721400 இராணிப்பேட்டை 8939300183
பெரம்பலூர் 7338720216 தென்காசி 9176001541
புதுக்கோட்டை 7338721500 கள்ளக்குறிச்சி 9176001549
இராமநாதபுரம் 7338721600 மயிலாடுதுறை 9176001546
சேலம் 7338721700 செங்கல்பட்டு 9176001544
சிவகங்கை 7338721801
The post மாநிலத்தின் உரத் தேவையில் 25 சதவீதம் கூட்டுறவுச் சங்கங்கள் மூலமாக விவசாயிகளுக்கு விநியோகிக்கப்படுகிறது: அமைச்சர் பெரியகருப்பன் appeared first on Dinakaran.
