ஒரிசா: இணைய பாதுகாப்பில், தரவு பாதுகாப்பு மற்றும் தரவு தனியுரிமையை எவ்வாறு உறுதி செய்வது என்று கேள்வி எழுப்பியுள்ளனர் அதற்கு நான் ஒரு குழுவை அமைத்துள்ளேன். இயற்கையாகவே, இந்த குழு நேரம் எடுக்கும். ஏனெனில் அதுவே எங்கள் பணியின் மிகவும் கடினமான பகுதியாகும். தரவு பாதுகாப்பு மற்றும் தனியுரிமைக்கான தேசிய மாதிரியை உருவாக்கும் பணியில் நாங்கள் ஈடுபட்டுள்ளோம், அந்த நேரத்தில் நாங்கள் ஒரு முக்கிய படியை எட்டியிருப்போம் என்று நினைக்கிறேன் என்று இந்திய தலைமை நீதிபதி டிஒய் சந்திரசூட் கூறியுள்ளார். நாங்கள் உருவாக்க உத்தேசித்துள்ள டிஜிட்டல் உள்கட்டமைப்பு முதலில் காகிதமற்ற நீதிமன்றங்கள். இரண்டாவதாக, மெய்நிகர் நீதிமன்றங்கள்…இன்று பெரும்பாலான உயர்நீதிமன்றங்கள் யூடியூப்பில் லைவ் ஸ்ட்ரீமிங் செய்கின்றன.
பாட்னா உயர் நீதிமன்ற நீதிபதி ஒரு ஐஏஎஸ் அதிகாரியிடம், அவர் ஏன் சரியாக உடை அணியவில்லை என்று கேட்கும் கிளிப்கள் அல்லது குஜராத் உயர்நீதிமன்ற நீதிபதி ஒரு வழக்கறிஞரிடம் அவள் ஏன் தன் வழக்கை எதிர்கொள்ளத் தயாராக இல்லை என்று கேட்கும் கிளிப்புகள் உலா வருகின்றன. யூடியூப்பில் நிறைய வேடிக்கையான விஷயங்கள் நடக்கின்றன, அதை நாம் கட்டுப்படுத்த வேண்டும், ஏனெனில் இது தீவிரமான விஷயம். நீதிமன்றத்தில் நடப்பது மிகவும் தீவிரமான விஷயம். நாங்கள் செய்யும் லைவ் ஸ்ட்ரீமிங்கிற்கு ஒரு மறுபக்கம் உள்ளது. நீதிமன்றத்தில் நாம் பேசும் ஒவ்வொரு வார்த்தையும் பொது வெளியில் இருப்பதால் நீதிபதிகளாகிய நாங்கள் பயிற்சி பெற வேண்டும் என்று தலைமை நீதிபதி டிஒய் சந்திரசூட் தெரிவித்துள்ளார்.
The post நீதிமன்றத்தில் நடப்பது மிகவும் தீவிரமான விஷயம்..நாங்கள் செய்யும் லைவ் ஸ்ட்ரீமிங்கிற்கு ஒரு மறுபக்கம் உள்ளது: தலைமை நீதிபதி டிஒய் சந்திரசூட் appeared first on Dinakaran.
