சென்னை: பெண்களுக்கு அதிகாரமளிப்பதை பற்றி பிரதமர் தொடர்ந்து பிரசங்கம் செய்கிறார் என்று முதலமைச்சர் மு.க.ஸ்டாலின் குற்றச்சாட்டு வைத்துள்ளார். பிரதமரின் பொய் வாக்குறுதிக்கு முரணாக, கத்துவா, உன்னாவ், பில்கிஸ் பானு வழக்கில் பாதிக்கப்பட்டோருக்கு பாஜக தொல்லை அளிப்பதும், குற்றவாளிகளை பாதுகாப்பதுமே பாஜகவின் அடையாளமாக இருக்கிறது என்று தமிழ்நாடு முதலமைச்சர் மு.க.ஸ்டாலின் கூறியுள்ளார்.
இது தொடர்பாக முதலமைச்சர் தனது சமூக வலைதளப் பக்கத்தில் வெளியிட்டுள்ள பதிவில், “தங்கள் சாதனைகளால் நாட்டிற்கே பெருமை தேடித் தந்த நமது மற்போர் வீரர்களுக்கு இழைக்கப்பட்டு வரும் பெரும் அநீதியைக் கண்டு அதிர்ச்சி அடைகிறோம். இதை ஏற்றுக்கொள்ளவே முடியாது. பெண்களுக்கு அதிகாரமளிப்பதைப் பற்றி நமது பிரதமர் தொடர்ந்து பிரசங்கம் செய்கிறார்.
ஆனால், அவரது பொய் வாக்குறுதிகளுக்கு முரணாக, கத்துவா, உன்னாவ், ஹாத்ரஸ், பில்கிஸ் பானு எனப் பல வழக்குகளிலும் பாதிக்கப்பட்டோருக்குத் தொல்லையளிப்பதும், குற்றம்சாட்டப்பட்டோரைப் பாதுகாப்பதுமே பாஜகவின் அடையாளமாக இருக்கிறது. நமது மற்போர் வீரர்களுக்கு நீதி கிடைக்க வேண்டும்” என்று அவர் பதிவிட்டுள்ளார்.
The post பாதிக்கப்பட்டோருக்கு பாஜக தொல்லை அளிப்பதும், குற்றவாளிகளை பாதுகாப்பதுமே பாஜகவின் அடையாளமாக இருக்கிறது: முதலமைச்சர் மு.க.ஸ்டாலின்! appeared first on Dinakaran.
