பூந்தமல்லி: பூந்தமல்லி அருகே சென்னீர்குப்பம் பகுதியை சேர்ந்தவர் வெங்கடேசன் (28). தனியார் ஊழியர். இவர் தனது வீட்டின் அருகே, குடிசை வீடு அமைத்து, தனது குடும்பத்தினரின் 5க்கும் மேற்பட்ட டு வீலர்களை நிறுத்தி இருந்தார். இந்நிலையில், 2 பைக்குகள் நேற்று அதிகாலை திடீரென தீப்பிடித்து கொழுந்துவிட்டு எரிய துவங்கியது. இதை பார்த்ததும் வெங்கடேசனும் அக்கம்பக்கத்தினரும் ஓடிவந்து, இருசக்கர வாகனங்களில் பரவியிருந்த தீயை சுமார் ஒரு மணி நேரம் போராடி அணைத்தனர்.
இதற்குள், அந்த 2 இருசக்கர வாகனங்களும் முழுவதுமாக எரிந்து நாசமாகிவிட்டன. தகவலறிந்த பூந்தமல்லி போலீசார் சம்பவ இடத்துக்கு வந்து அப்பகுதியில் உள்ள சிசிடிவி கேமரா பதிவுகளை ஆய்வு செய்தனர். இப்புகாரின்பேரில் போலீசார் வழக்குப்பதிவு செய்து, மின்கசிவினால் 2 பைக்குகள் தீப்பிடித்ததா? அல்லது மர்ம நபர்கள் தீ வைத்தார்களா? என பல்வேறு கோணங்களில் விசாரித்து வருகின்றனர்.
The post பூந்தமல்லி அருகே பைக்குகள் எரிந்து நாசம்: போலீசார் விசாரணை appeared first on Dinakaran.
