×

சைவ நோன்புக் கஞ்சி

தேவை

பச்சரிசி – 1 கப்
பாசிப் பருப்பு – 1/2 கப்
கடலைப் பருப்பு – 1/2 கப்
துவரம் பருப்பு – 1/2 கப்
சின்ன வெங்காயம் – 8
பட்டை – 1
கிராம்பு – 4
தக்காளி – 1
இஞ்சி – சிறிதளவு
பூண்டு – 10 பல்
வெங்காயம் – 1 (மீடியம் அளவு)
கேரட் – 1 (சின்னதாய் நறுக்கியது)
மல்லிக்கீரை – தேவைக்கேற்ப
பச்சை மிளகாய் – 3
கெட்டியான தேங்காய்ப்பால் – 1 கப்.

செய்முறை

முதலில் அரிசி, கடலைப் பருப்பு, துவரம் பருப்பு ஆகியவற்றை அரை மணி நேரம் ஊறவைக்க வேண்டும். ஒரு கடாயில் பாசிப்பருப்பை நன்கு வறுக்க வேண்டும். பிறகு, ப்ரஷர் குக்கரில் பச்சரிசி, வறுத்த பாசிப்பருப்பு, கடலைப் பருப்பு, துவரம் பருப்பு, வெங்காயம், தக்காளி, நறுக்கிய இஞ்சி, 10 பல் பூண்டு, வெங்காயம், பச்சை மிளகாய், மல்லிக்கீரை, கேரட் ஆகிய அனைத்தையும் சேர்த்து 8 கப் தண்ணீர் விட்டு 4 முதல் 5 விசில் வரும் வரை வேக வைக்க வேண்டும்.பின்னர், அடுப்பை சிம்மில் போட்டு இன்னொரு 5 விசில் வரும்வரை காத்திருக்கவும். தேவைக்கேற்ப, கஞ்சி பதமாக வரும்வரை சிம்மில் கொதிக்கவிடுங்கள். பிறகு, அதனை தேங்காய்ப் பாலுடன் சேர்த்து கிளறிவிட்டு 5 நிமிடம் கொதிவந்த பின் அடுப்பை அணைத்துவிடுங்கள். பின்னர் ஒரு கடாயில் சிறிது எண்ணெய் விட்டு, பட்டை , கிராம்பு போட்டு மல்லிக்கீரை தேவைக்கேற்ப சேர்த்து தாளிக்க வேண்டும். இந்த தாளிப்பை தயார் நிலையிலுள்ள கஞ்சியில் சேர்த்து ஒருமுறை கிளறினால், கம கமனு ருசியான நோன்புக் கஞ்சி ரெடி.அசைவ சத்துக்கள் சுவை தேவைப்பட்டால் இத்துடன் மட்டன் எலும்புக் கறி அல்லது கைமாவையும் சேர்த்து வதக்கி கொதிக்க வைத்துக் கொள்ளலாம். கூடுதல் ருசியாக இருக்கும்.

The post சைவ நோன்புக் கஞ்சி appeared first on Dinakaran.

Tags : Saiva nonbuk ,
× RELATED பீன்ஸ் தேங்காய்ப்பால் பொரியல்