- அரசு பொறியியல்
- அண்ணா பல்கலைக்கழக உறுப்புக் கல்லூரிகள்
- நான்-முல்வன் திறன்கள் மற்றும் வேலைவாய்ப்பு மையம்
- அமைச்சர்
- உதயநிதி ஸ்டாலின்
- அரசு பொறியியல் கல்லூரிகள்
- அண்ணா பல்கலைக்கழக இணைந்த கல்லூரிகள்
- நான் முதல் திறன்கள் மற்றும் வேலைவாய்ப்பு மையம்
- இம்
- முதல் திறன் மற்றும் வேலைவாய்ப்பு மையம்
- தின மலர்
அரசு பொறியியல் கல்லூரிகள் மற்றும் அண்ணா பல்கலைக்கழக உறுப்பு கல்லூரிகளில் ‘நான் முதல்வன் திறன் மற்றும் வேலைவாய்ப்பு மையம்’ ரூ1.70 கோடியில் என்று அமைச்சர் உதயநிதி ஸ்டாலின் கூறினார்.
சட்டப்பேரவையில் நேற்று சிறப்பு திட்ட செயலாக்கத்துறை மானிய கோரிக்கை மீதான விவாதத்துக்கு பதில் அளித்து இளைஞர் நலன் மற்றும் விளையாட்டு மேம்பாட்டு துறை அமைச்சர் உதயநிதி ஸ்டாலின் வெளியிட்ட அறிவிப்புகள் வருமாறு:
- நான் முதல்வன் திட்டத்தின் கீழ் வழங்கப்படும் திறன் மேம்பாட்டு பயிற்சியை, செயல்படுத்த அனைத்து அரசு பொறியியல் கல்லூரிகள் மற்றும் அண்ணா பல்கலைக்கழக உறுப்பு கல்லூரிகளில் ‘நான் முதல்வன் திறன் மற்றும் வேலைவாய்ப்பு மையம்’ நிறுவப்படும். ஒரு பொறியியல் கல்லூரிக்கு ரூ70 லட்சம் வீதம் மொத்தம் ரூ21.70 கோடி இதற்காக ஒதுக்கப்படும்.
- நான் முதல்வன் திட்டம் தொழில் பயிற்சி நிலையங்கள், பாலிடெக்னிக் மற்றும் பிற தொழில்முறை படிப்புகளுக்கும் விரிவுபடுத்தப்படும். இதற்கு ரூ15 கோடி நிதி ஒதுக்கீடு செய்யப்படும்.
- தமிழ்நாட்டில் இளைஞர்களின் மரபு சார் கலை மற்றும் கைவினை திறன்களை ஊக்குவிப்பதற்காகவும் கைவினை திறன் பள்ளிகள் அறிமுகப்படுத்தப்படும். இதற்கென ரூ5 கோடி நிதி ஒதுக்கீடு செய்யப்படும்.
- கற்றல் தளம் வழியாக அறிவாற்றல் திறன்களை கண்டறிந்து தனித்திறன் பெற்ற மாணவர்களை உருவாக்க பள்ளிகள் மற்றும் கல்லூரிகளில் ‘நான் முதல்வன் ஒலிம்பியாட்’ நடத்தப்படும். இதற்கென்று முதற்கட்டமாக ரூ1 கோடி ஒதுக்கப்படும்.
- மேம்படுத்தப்பட்ட அனைத்து அரசினர் தொழில் பயிற்சி நிலையங்களும் திறன் பயிற்சி மையங்களாக அங்கீகரிக்கப்படும்.
- மாநிலத்தில் உள்ள அனைத்து திறன் மேம்பாட்டு திட்டங்களுக்கும் சான்றளிக்கும் அமைப்பாக தமிழ்நாடு திறன் மேம்பாட்டு கழகம் செயல்படும்.
- அடுத்த கல்வியாண்டில் கல்லூரிகளில் நான் முதல்வன் படிப்புகளை நடத்த முதன்மை பயிற்சியாளர்களின் தொகுப்பு உருவாக்கப்படும். இவ்வாறு அவர் கூறினார்.
The post அரசு பொறியியல், அண்ணா பல்கலை உறுப்பு கல்லூரிகளில் ரூ21.70 கோடியில் நான் முதல்வன் திறன் மற்றும் வேலைவாய்ப்பு மையம்: அமைச்சர் உதயநிதி ஸ்டாலின் அறிவிப்பு appeared first on Dinakaran.