தூத்துக்குடியில் இன்று ரேபிஸ் தடுப்பூசி முகாம்

தூத்துக்குடி, செப். 28: தூத்துக்குடி கலெக்டர் செந்தில்ராஜ் வெளியிட்டுள்ள செய்திக்குறிப்பு: தூத்துக்குடி மாவட்டத்தில் உலக ரேபிஸ் தினத்தை முன்னிட்டு தூத்துக்குடி, கால்நடை பன்முக மருத்துவமனை உள்ளிட்ட தூத்துக்குடி மாவட்டத்தில் உள்ள அனைத்து கால்நடை மருத்துவமனைகள் மற்றும் கால்நடை மருந்தகங்களில் இன்று (28ம்தேதி) காலை 8 மணி முதல் நண்பகல் 12 மணி வரை செல்லப் பிராணிகளுக்கு ரேபிஸ் தடுப்பூசி இலவசமாக போடப்படுகிறது. இந்த வாய்ப்பை பொதுமக்கள் பயன்படுத்தி தங்கள் செல்லப் பிராணிகளை ரேபிஸ் நோய் பாதிப்பில் இருந்து பாதுகாத்துக் கொள்ள வேண்டும். இவ்வாறு கலெக்டர் செந்தில்ராஜ் தெரிவித்துள்ளார்.