ஆலவயல் பள்ளியில் பேரிடர் மேலாண்மை விழிப்புணர்வு முகாம்

பொன்னமராவதி, செப். 23: பொன்னமராவதி அருகே ஆலவயல் அரசு மேல்நிலைபள்ளியில் பேரிடர் மேலாண்மை விழிப்புணர்வு முகாம் வருவாய்த்துறை சார்பில் நடந்தது. இந்த முகாமிற்கு பள்ளி தலைமையாசிரியர் நவநீதகிருஷ்ணன் தலைமை வகித்தார். ஒன்றியக்குழு துணைத்தலைவர் தனலெட்சுமி அழகப்பன் முன்னிலை வகித்தார். பொன்னமராவதி துணை தாசில்தார் சேகர் பேரிடர் மேலாண்மை தொடர்பான போட்டிகளில் வெற்றிபெற்ற மாணவர்களுக்கு பரிசு வழங்கி பேசினார். இதில் பெற்றோர் ஆசிரியர் கழகத்தலைவர் ராமு, கிராம நிர்வாக அலுவலர்கள் ரமேஷ், ராஜேந்திரன், ஆசிரியர்கள் ரமேஷ், ராமசாமி, கண்ணதாசன் உட்பட பலர் கலந்து கொண்டனர். இதே போல செவலூர் ஊராட்சி ஒன்றிய தொடக்கப்பள்ளியில் குழந்தைகளுக்கான பேரிடர் மேலாண்மை விழிப்புணர்வு நடைபெற்றது.

செவலூர் ஊராட்சி ஒன்றிய தொடக்கப்பள்ளியில் நடைபெற்ற பேரிடர் மேலாண்மை பற்றி விழிப்புணர்வு மற்றும் விளையாட்டு போட்டி நடத்தி ஊராட்சித் தலைவர் திவ்யா முத்துக்குமார், தலைமையாசிரியர் சரவணன், ஆசிரியை சீதாலட்சுமி கிராம நிர்வாக அலுவலர் கார்த்திக் மாணவர்களுக்கு பரிசு வழங்கி இடி மின்னலின் போது குடையை பயன்படுத்த கூடாது. மின்னல் தாக்கத்தின் போது திறந்த வெளியில் நிற்பதை தவிர்க்க வேண்டும். மரங்கள் மற்றும் உலோக கட்டமைப்புகளின் கீழ் நிற்கக் கூடாது, நீச்சல் அடிப்பதை தவிர்க்க வேண்டும். இயற்கை இடர்பாடுகள், பேரிடர் காலங்களில் பொதுமக்கள் சிக்கித்தவித்தால் பொது மக்களை எவ்வாறு மீட்பது பேரிடர் காலங்களில் தொடர்பு கொள்ள வேண்டிய மாநில அவசர கட்டுப்பாட்டு அறை எண் 1070, மாவட்ட அவசர கட்டுப்பாட்டு அறை எண் 1077 குறித்த விழிப்புணர்வு ஏற்படுத்தப்பட்டது.

Related Stories: