அரசு பள்ளி மாணவர்களுக்கு இலவச நீட் பயிற்சி மையம் கலெக்டர் துவக்கி வைத்தார்

காரைக்குடி, ஜூன் 4: காரைக்குடி அருகே அமராவதிபுதூர் கிராமிய பயிற்சி மையத்தில் அரசு பள்ளி மாணவர்களுக்கான நீட் பயிற்சி மையம் துவக்க விழா நடந்தது. கிராமிய பயிற்சி மைய இயக்குநர் ஆறுமுகம் வரவேற்றார். கலெக்டர் மதுசூதன்ரெட்டி துவக்கி வைத்து பேசுகையில், மாவட்டத்தில் உள்ள அரசு பள்ளி மாணவர்கள் நீட் தேர்வினை எதிர்கொள்ள வசதியாக இப்பயிற்சி மையம் துவங்கப்பட்டுள்ளது. 45 நாட்கள் பயிற்சி நடத்தப்பட உள்ளது. அரசு பள்ளியில் படிக்கும் மாணவர்கள் மருத்துவ படிப்பில் சேர அரசு 7.5 சதவீதம் சிறப்பு இடஒதுக்கீட்டினை வழங்கியுள்ளது. இதன் மூலம் அதிகளவில் அரசு பள்ளி மாணவர்கள் மருத்துவ படிப்பில் சேர வாய்ப்பு உருவாகி உள்ளது.

பயிற்சியில் கலந்து கொள்ள தேர்வு பெற்ற 200 மாணவர்களுக்கும் தங்கும் இடம், உணவு, பயிற்சி, படிப்பதற்கான புத்தகங்கள், தேர்விற்கு தயாராகுவதற்கு தேவையான மாதிரி வினா விடைத்தாள்கள் இலவசமாக மாவட்ட நிர்வாகத்தின் சார்பில் வழங்கப்படும். தினமும் காலை 5.30 முதல் 7.30 வரை பயிற்சி வகுப்புகள் நடத்தப்படும். தினமும் மாதிரி தேர்வுகளும் நடத்தப்பட உள்ளது. மாணவர்கள் தங்களது பெற்றோர்களின் எதிர்பார்பினை பூர்த்தி செய்திட வேண்டும். எதிர்காலம் மற்றும் குறிக்கோளை அடைய கடினமாக உழைக்க வேண்டும் என்றார்.

Related Stories: