காரைக்கால் மேலவாஞ்சூரில் லாரி சக்கரம் ஏறியதில் வாலிபரின் கால் முறிந்தது

காரைக்கால், மார்ச் 19: காரைக்காலில் இருந்து நாகூர் நோக்கி கருவேல விறகு ஏற்றிக்கொண்டு லாரி ஒன்று சென்று கொண்டிருந்தது. மேலவாஞ்சூர் பெட்ரோல் பங்க் எதிரில் உள்ள எடை மேடைக்கு லாரியை ஓட்டுநர் திருப்பியுள்ளார். எடைமேடையில் லாரி ஏறாததால், லாரியை பின்புறமாக இயக்கினார். அப்போது சாலை ஓரமாக படுத்திருந்தவரின் கால் மீது பின் சக்கரம் ஏறியது. இதில் கால் எலும்பு நொறுங்கியது. உடனடியாக அக்கம் பக்கம் இருந்தவர்கள் மீட்டு காரைக்கால் அரசு பொது மருத்துவமனைக்கு சிகிச்சைக்காக ஆம்புலன்ஸ் மூலம் அனுப்பி வைத்தனர்.

விபத்தில் காயமடைந்தவர் கடலூர் மாவட்டம் விருத்தாசலம் எடைச்சியூர், முஸ்லிம் தெருவைச் சேர்ந்த ஷேக்அலி மகன் சையதுஅலி (38) என்பது தெரியவந்தது. புகாரின் பேரில் காரைக்கால் தெற்கு போக்குவரத்து காவல் உதவி ஆய்வாளர் மனோகரன் மற்றும் போலீசார் வழக்குப்பதிவு செய்து லாரி ஓட்டுநர் காரைக்கால் நித்தீஸ்வரம் ராஜேந்திரன் மகன் செந்தமிழன்(34) என்பவரை கைது செய்து விசாரணை மேற்கொண்டு வருகின்றனர்.

Related Stories: