திண்டுக்கல், ஜன. 22: திண்டுக்கல் மாவட்டத்தில் 900 இடங்களில் இன்று கொரோனா தடுப்பூசி முகாம் நடைபெறுகிறது என கலெக்டர் விசாகன் தெரிவித்துள்ளார். இதுகுறித்து அவர் தெரிவித்துள்ளதாவது: திண்டுக்கல் மாவட்டத்தில் 19 வது மாபெரும் கொரோனா தடுப்பூசி முகாம் இன்று காலை 9 மணி முதல் மாலை 5 மணி வரை 900 இடங்களில் நடைபெறவுள்ளது. ஒமிக்ரான் தொற்று பரவி வரும் நிலையில், பொதுமக்கள் அனைவரும் 2 தவணை தடுப்பூசி செலுத்திக்கொண்டால், அதிக பாதிப்பின்றி தங்களை பாதுகாத்துக் கொள்ளலாம். எனவே, பொதுமக்கள் அனைவரும் கொரோனா தடுப்பூசி செலுத்தி, திண்டுக்கல் மாவட்டத்தை கொரோனா தொற்று இல்லாத மாவட்டமாக மாற்ற முழு ஒத்துழைப்பு நல்க வேண்டும் என கலெக்டர் தெரிவித்துள்ளார்.
திண்டுக்கல்லில் இன்று 900 இடங்களில் தடுப்பூசி முகாம்
06:09 am Jan 22, 2022 |
