நெல்லை, ஜன. 1: தியாகி விஸ்வநாததாஸ் 81வது நினைவு தினத்தை முன்னிட்டு பாளை தெற்கு பஜாரில் அவரது படத்திற்கு மாலையணிவித்து மரியாதை செலுத்தப்பட்டது. நிகழ்ச்சிக்கு டீம் சங்க தலைவர் ஜெயமணி தலைமை வகித்தார். பாளை தொகுதி எம்எல்ஏ அப்துல் வகாப், தியாகி விஸ்வநாததாஸ் படத்திற்கு மாலையணிவித்து மரியாதை செலுத்தினார். நெல்லை கிழக்கு மாவட்ட வக்கீல் அணி துணை அமைப்பாளர் செல்வசூடாமணி வரவேற்றார். மாநகர திமுக செயலாளர் லெட்சுமணன், இளைஞர் காங். தலைவர் ராஜீவ்காந்தி, திமுக வட்ட செயலாளர் அபே மணி, 24வது வார்டு ஆவின் கல்யாணசுந்தரம், கவிஞர் சுப்பையா ஆகியோர் முன்னிலை வகித்தனர்.

தேசிய நல்லாசிரியர் செல்லப்பா, விஸ்வநாததாஸ் பேரவை ஒருங்கிணைப்பாளர் சுரேஷ்முத்துராம், டீம் அசோசியேசன் பொருளாளர் மாணிக்கம், துணை தலைவர் மீனாட்சிசுந்தரம், துணை செயலாளர் குமரகுருபரன், உள்தணிக்கையாளர் சங்கரநயினார் ஆகியோர் பேசினர். கலை இலக்கிய பகுத்தறிவு பேரவை மேகை செல்வம், கால்வாய் துரைசிங்கம், செயற்குழு உறுப்பினர்கள் அருணாசலம், சிவபாலன், செல்வராஜ், சங்கர், ராதாபுரம் ஊராட்சி துணை தலைவர் பலவேசம், பாளை முத்துசாமி, புருஷோத்தமன், மாரியப்பன், சிஆர்பிஎப் ராமலிங்கம் ஆகியோர் கலந்து கொண்டனர். பேரவை செயலர் சிதம்பரம் நன்றி கூறினார்.