மதுரை மாவட்டத்தில் நாளை 1,200 இடங்களில் மெகா தடுப்பூசி முகாம்

மதுரை, டிச. 25: மதுரை கலெக்டர் அனீஷ்சேகர் அறிக்கை: மாவட்டத்தில் கொரோனா நோய் தொற்று பரவலின் வேகத்தினை கட்டுப்படுத்தும் வகையில் மெகா தடுப்பூசி முகாம்கள் நடத்தப்பட்டு வருகின்றன. மாவட்டம் முழுவதும் உள்ள தேர்தல் வாக்குச்சாவடி மையங்கள், ஆரம்ப சுகாதார நிலையங்கள், நகர்புற சுகாதார மையங்கள் என 1200 இடங்களில் நாளை (டிச.26) மெகா தடுப்பூசி முகாம் நடைபெற உள்ளது. இதில், 18 வயது நிரம்பிய அனைத்து நபர்களுக்கும் இலவச சிறப்பு தடுப்பூசி போடப்படும். இதுவரை தடுப்பூசி போட்டுக்கொள்ளாத 18 வயது நிரம்பியவர்களும், முதல் தவணை தடுப்பூசி போட்டு கொண்டு இரண்டாவது தவணை தடுப்பூசி போட வேண்டியவர்களும், இம்முகாமில் கலந்து கொண்டு தடுப்பூசி செலுத்தி கொள்ள வேண்டும். மேலும், கொரோனா 3வது அலை பரவலை தடுக்க மக்கள் அனைவரும் மாவட்ட நிர்வாகத்தின் முயற்சிகளுக்கு முழு ஒத்துழைப்பு வழங்க வேண்டும். இவ்வாறு தெரிவித்துள்ளார்.

Related Stories: