நாகர்கோவில், டிச.9: நாகர்கோவில் கோட்டார் போக்குவரத்து ஒழுங்கு பிரிவு காவல்துறை வெளியிட்டுள்ள செய்திகுறிப்பு:நாகர்கோவில் மாநகரில் கம்பளம் சந்திப்பு முதல் ஈத்தாமொழி பிரிவு வரை பாதாள சாக்கடை பணி டிசம்பர் 9ம் தேதி (இன்று)  முதல் நடைபெற இருப்பதால் அண்ணா பேருந்து நிலையத்தில் இருந்து புனித சவேரியார் கோயில் சந்திப்பு மார்க்கமாக கன்னியாகுமரி, அஞ்சுகிராமம் மற்றும் மணக்குடி செல்லும் அனைத்து வாகனங்களும் ,கம்பளம் ஜங்ஷனில் இருந்து ரயில்வே பீடர் ரோடு மார்க்கமாக, நாயுடு மருத்துவமனை ஜங்ஷன் வழியாக செல்ல வேண்டும்.

மற்றும் அண்ணா பேருந்து நிலையத்தில் இருந்து சவேரியார் கோயில் சந்திப்பு மார்க்கமாக பீச்ரோடு வழியாக செல்லும் அனைத்து வாகனங்களும் சவேரியார் கோயில் ஜங்ஷன், செட்டிக்குளம் ஜங்ஷன் வழியாக செல்ல வேண்டும். கன்னியாகுமரியில் இருந்து நாகர்கோவில் செல்லும் இரு சக்கர மற்றும் இதர அனைத்து வாகனங்களும் பீச் ரோடு வழியாக செல்ல வேண்டும். இந்த போக்குவரத்து மாற்றம் 9ம் தேதி (இன்று) முதல் பாதாள சாக்கடை திட்ட பணிகள் முடியும் வரை அமலில் இருக்கும்.