பழநியில் அரசு சுவற்றில் போஸ்டர் பாஜ செயலாளர் மீது வழக்குப்பதிவு

பழநி, மார்ச் 8: பழநி புறநகர், சிவகிரிப்பட்டி ஊராட்சிக்குட்பட்ட ராமநாதன் நகரில் தேர்தல் விதிமுறையை மீறி பாஜவினர் அரசுக்கு சொந்தமான மோட்டார் கட்டிடத்தின் சுவற்றில் மோடி படம் பொறித்த போஸ்டர் ஒட்டி உள்ளனர். இதனை அடிவாரம் எஸ்.ஐ பத்ரா தடுத்துள்ளார். அப்போது பாஜ நிர்வாகிகள் எஸ்ஐயை மிரட்டும் வகையில் பேசினர். பாஜவினர் எஸ்ஐயை மிரட்டும் வீடியோ பேஸ்புக் மற்றும் வாட்ஸ் அப் போன்ற சமூக வலைதளங்களில் வைரலானது. இச்சம்பவம் பழநி பகுதியில் பெரும் பரபரப்பை ஏற்படுத்தியது.

இதுதொடர்பாக வருவாய்த்துறையினர் அடிவாரம் காவல் நிலையத்தில் புகார் செய்தனர். இதன் பேரில், தேர்தல் நடத்தை விதிமுறை அமலில் உள்ள நிலையில் விதிகளை மீறி அரசு சுவரில் சுவரொட்டி ஒட்டிய பாஜவினர் மீது நடவடிக்கை எடுக்க வேண்டுமென தெரிவிக்கப்பட்டிருந்தது. இப்புகாரின் பேரில் அடிவாரம் போலீசார் பாஜ ஒன்றிய செயலாளர் ரவிக்குமார் மீது வழக்குப்பதிவு செய்து விசாரணை நடத்தி வருகின்றனர்.

Related Stories:

>