மாடித்தோட்டம் அமைக்க மானிய விலையில் சொட்டு நீர் உபகரணம்

திருச்செங்கோடு, பிப்.18: திருச்செங்கோடு வட்டார தோட்டக்கலைத் துறையில் ஒருங்கிணைந்த தோட்டக்கலை அபிவிருத்தி திட்டத்தில், ரசாயன மருந்து பயன்படுத்தாமல் இயற்கை முறையில் மாடித்தோட்டத்தில் காய்கறிகளை

உற்பத்தி செய்ய மான்ய விலையில் கிட் வழங்கப்பட்டு வருகிறது. இதில் அடங்கியுள்ள பொருட்கள்: 2 கிலோ அளவிலான வளர்ப்பு ஊடகம் தென்னை, நார்க்கழிவுடன் கூடிய வளர்ப்பு பைகள் 6 (12கிலோ கோகோபிட்) காய்கறி விதை பொட்டலங்கள், இயற்கை உரங்கள்- அசோஸ்பைரில்லம், பாஸ்போபாக்டீரியா டிரைக்கோடர்மா விரிடி,  வேப்பஎண்ணெய் மற்றும் கையேடு. இத்தொகுப்பின் மொத்த விலை ₹850அதில் மானியம் ₹340போக மீதம் ₹510 மட்டும் செலுத்தி பெற்றுக்கொள்ளலாம்.

நஞ்சில்லா முறையில் மாடித்தோட்டம் அமைக்க, சொட்டுநீர் உபகரணங்கள் மானிய விலையில் வழங்கப்படுகிறது.இதன் மொத்த விலை ₹1120. அதில் அரசு மான்யம் போக மீதம் ₹720செலுத்தி சொட்டுநீர் உபகரணங்களை பெற்று கொள்ளலாம். தேவைப்படும் ஆவணங்கள், ஆதார் கார்டு, குடும்ப அட்டை, புகைப்படம் 2. மேலும் விபரங்களுக்கு உதவி தோட்டக்கலை அலுவலா–்கள் சுவேதனன் தினேஷ்குமார் மற்றும் துணை தோட்டக்கலை அலுவலர் வீரமணி ஆகியோரை அனுகலாம் என, திருச்செங்கோடு வட்டார தோட்டக்கலை உதவி இயக்குனர் தெரிவித்துள்ளார்.

Related Stories:

>