மணப்பாறை, பிப்.5: வையம்பட்டி அருகே நூறு நாள் வேலை கேட்டு கிராம மக்கள் சாலை மறியலில் ஈடுபட்டனர். திருச்சி மாவட்டம் .மணப்பாறையை அடுத்த வையம்பட்டி ஒன்றியம்.முகவனூர் ஊராட்சி . பாம்பாட்டி பட்டி மற்றும் அய்யம்பாளையம் கிராம மக்கள் நேற்று 100 நாள் வேலை கேட்டு கரூர் - வையம்பட்டி சாலையில் திடீர் என சாலை மறியலில் ஈடுபட்டனர். தகவலறிந்த வையம்பட்டி போலீசார் சாலை மறியலில் ஈடுபட்டவர்களிடம் பேச்சுவார்த்தை நடத்தியதை தொடர்ந்து உடன்பாடு ஏற்பட்டு சாலை மறியல் கைவிடப்பட்டது. இதனால், அவ்வழியே சிறிது நேரம் போக்குவரத்து பாதிக்கப்பட்டது.
வையம்பட்டி அருகே 100 நாள் வேலை கேட்டு கிராம மக்கள் சாலை மறியல்
02:13 am Feb 05, 2021 |
