108 ஆம்புலன்சில் குவா, குவா

வேலூர், டிச. 26: குடியாத்தம் அருகே 108 ஆம்புலன்சில் கர்ப்பிணிக்கு அழகிய பெண் குழந்தை பிறந்தது.  குடியாத்தம் அடுத்த மோர்தானா கிராமத்தை சேர்ந்தவர் முனிசாமி. இவரது மனைவி கலைவாணி. நிறைமாத கர்ப்பிணியாக உள்ள இவருக்கு நேற்றுமுன்தினம் பிரசவ வலி அதிகமானது. இதனால், கலைவாணியை அவரது குடும்பத்தினர் பிரசவத்திற்காக குடியாத்தம் அரசு மருத்துவமனைக்கு 108 ஆம்புலன்சில் அழைத்து சென்றனர். அப்போது, ஜங்களபள்ளி கிராமம் அருகே கலைவாணிக்கு ஆம்புலன்சிலேயே அழகிய பெண் குழந்தை பிறந்தது. தொடர்ந்து குழந்தை மற்றும் தாய்க்கு ஆம்புலன்சில் இருந்த மருத்துவ உதவியாளர் கார்த்தி முதலுதவி சிகிச்சை அளித்து குடியாத்தம் அரசு மருத்துவமனையில் சேர்த்தார். அங்கு தாய், சேய் இருவரும் நலமுடன் உள்ளனர்.