மேலூர், டிச. 9:  புதிய வேளாண் சட்டத்தை திரும்ப பெறக்கோரி, அகில இந்திய விவசாயிகள் போராட்ட ஒருங்கிணைப்பு குழு சார்பில், மேலூர் பஸ்நிலையம் முன்பு நேற்று ஆர்ப்பாட்டம் நடந்தது. இதில் திமுக, மார்க்சிஸ்ட் கம்யூனிஸ்ட், இந்திய கம்யூனிஸ்ட், விடுதலைச்சிறுத்தைகள், பார்வர்ட பிளாக் கட்சியின் விவசாய பிரிவு உட்பட பல்வேறு கட்சிகளை சேர்ந்த பெண்கள் உட்பட ஏராளமானவர்கள் கலந்து கொண்டனர். ஆர்ப்பாட்டத்தை தொடர்ந்து ஊர்வலமாக சென்று மேலூர் தலைமை தபால் நிலையத்தை முற்றுகையிட முயன்றனர். இதை டிஎஸ்பி ரகுபதிராஜா தடுக்க முயல, திடீரென சாலை மறியலில் போராட்டக்காரர்கள் ஈடுபட, அவர்களை போலீசார் கைது செய்தனர். மேலூரில் உள்ள 90 சதவிகித கடைகள் அடைக்கப்பட்டிருந்தது.

திருப்பரங்குன்றம்: திருப்பரங்குன்றத்தில் திமுக மற்றும் அதன் கூட்டணி கட்சிகளான காங்கிரஸ், மதிமுக, சிபிஐ, சிபிஎம், விசிக உள்ளிட்ட கட்சிகளை சேர்ந்த 300க்கும் மேற்ப்பட்டோர் நேற்று காலை திருப்பரங்குன்றம் சன்னதி தெரு பேருந்து நிறுத்தம் அருகில் உள்ள ஜிஎஸ்டி சாலையில் டெல்லியில் போராடும் விவசாயிகளை ஆதரித்து ஆர்ப்பாட்டம செய்தனர். இதனைத்தொடர்ந்து சாலை மறியலில் ஈடுப்ட்டனர். இதில் திமுக சார்பில் பகுதி செயலாளர் கிருஷ்ணபாண்டி, நிர்வாகிகள் ஆறுமுகம், விமல், ரமேஷ், டெப்போ ரவி, மதிமுக முருகேசன், சிபிஎம் இளஙகோ, எஸ் எம்.பாண்டி , ராதாகிருஷ்ணன் உள்ளிட்ட ஏராளமானோர் கலந்து கொண்டனர்.