கும்பகோணத்தில் அனைத்து வெள்ளாளர் கூட்டமைப்பு சாலைமறியல்

கும்பகோணம், டிச.7: கும்பகோணம் உச்சிப்பிள்ளையார் கோவில் முன்பு, வெள்ளாளர் முன்னேற்ற கழகம், அனைத்து வெள்ளாளர் கூட்டமைப்பு, தமிழ்நாடு வ.உ.சி மக்கள் இயக்கம் மற்றும் கும்பகோணம் பகுதி சோழிய வெள்ளாளர் சங்கம் சார்பில் வெள்ளாளர் முன்னேற்றக் கழக கும்பகோணம் ஒன்றிய இளைஞரணி செயலாளர் சரவணன் பிள்ளை தலைமையில் சாலை மறியலில் ஈடுபட்டனர். இதில் அனைத்து வெள்ளாளர்களின் பெயரை மாற்று இனத்தவருக்கு பெயரை வைப்பதற்கு பரிந்துரை செய்த தமிழக அரசை கன்டித்து கோஷங்கள் எழுப்பினர்.

பின்னர் சாலை மறியலில் ஈடுபட்ட 35 பேரை கும்பகோணம் கிழக்கு போலீசார் கைது செய்து தனியார் மண்டபத்தில் அடைத்தனர். இந்த சாலை மறியலில் தஞ்சாவூர் வடக்கு மாவட்ட வணிக அணி செயலாளர் செந்தில்குமார், தமிழ்நாடு வ.உ.சி மக்கள் இயக்கத்தின் மாநில துணை பொதுச்செயலாளர் பழனிவேல் உள்பட பலர் கலந்து கொண்டனர்.

Related Stories:

>