திருச்சி, அக். 28: மனுஸ்மிருதி நூலில் பெண்களை கொச்சைப்படுத்தும் விதமாக அம்சங்கள் இருப்பதாக கூறி தனியார் யூடியூப் சேனல் ஒன்றில் விடுதலை சிறுத்தைகள் கட்சி தலைவர் தொல்.திருமாவளவன் பேசியதில் பெண்களை இழிவுப்படுத்தி பேசியதாகவும், மனுஸ்மிருதியில் அதுபோன்ற எந்த வார்த்தையும் இல்லை என கூறி பாஜக மற்றும் இந்து அமைப்பினர் கண்டனம் தெரிவித்து வருகின்றனர். இதில் திருமாவளவனை கண்டித்து நேற்று தமிழகம் முழுவதும் தடையை மீறி பாஜக மகளிரணி சார்பில் ஆர்ப்பாட்டம் நடத்தினர். இதில் திருச்சியிலும் பாஜக மகளிரணி சார்பில் ஆர்ப்பாட்டம் நடந்தது. இதற்கிடையில் சிதம்பரத்தில் ஆர்ப்பாட்டம் நடத்த சென்ற நடிகை குஷ்புவை போலீசார் கைது செய்தனர்.