ஓமலூர், பிப். 27: சேலம் பெரியார் பல்கலைக்கழக பொருளியல் துறை சார்பில், சிறப்பு பொருளாதார கருத்தரங்கம் நடைபெற்றது. சேலம் தொழிலதிபர் ராஜாமணி அறக்கட்டளை சார்பில், ஆண்டுதோறும் முதுகலையில் முதலாவதாக வரும் மாணவ, மாணவிகளுக்கு பட்டமளிப்பு விழாவின்போது தங்கப்பதக்கமும், பொருளியல் அறிஞர்களை கொண்டு சிறப்பு சொற்பொழிவும் நடத்தப்பட்டு வருகிறது. தற்போது 12வது சொற்பொழிவு நடைபெற்றது. இதில் கோவை பி.எஸ்.ஜி கலை மற்றும் அறிவியல் கல்லூரி பேராசிரியர் நாகராஜன் கலந்து கொண்டு, இன்றைய சூழ்நிலையில் இந்தியா மற்றும் பன்னாட்டு அரசுகள் சந்திக்கும் முக்கிய பொருளாதார பிரச்னைகள், அதை தீர்க்கும் வழிமுறைகள் குறித்து பேசினார்.