திருப்பூர், பிப்.26:  திருப்பூர் பின்னலாடை உற்பத்தியாளர்களுக்கு வரும் கோடை, குளிர் காலத்திற்கு ஏற்ப ஆடை தயாரிப்பு, சந்தை வாய்ப்புகள் குறித்து விளக்கம் அளிக்க இங்கிலாந்து நாட்டின் நவீன நாகரீக ஆடை தயாரிப்பு ஆலோசகர் ஆலோசனைகள் வழங்க உள்ளார். இது குறித்து ஆயத்த ஆடை ஏற்றுமதி மேம்பாட்டு கழகத்தின் தலைவர் சக்திவேல் அறிக்கையில் கூறியிருப்பதாவது:- உலகளாவிய பேஷன் மற்றும் வண்ண போக்குகள், தொழில்துறை செய்திகள், வர்த்தக கண்காட்சிகள், சில்லறை விற்பனை, தேவையுள்ள நாடுகள் புதிய கலாசார தாக்கங்கள் குறித்த தகவல்களையும், வரும் கோடை, குளிர் காலத்திற்கு ஏற்ப ஆடைகள் மூலப்பொருட்கள் கொள்முதல் செய்வது. சந்தைப்படுத்த வெளிநாடுகளில் நடக்கும் கண்காட்சிகள், வர்த்தக தொடர்ப்புகள் குறித்து இங்கிலாந்து நாட்டின் நவீன நாகரீக ஆடை தயாரிப்பு ஆலோசகர் சார்லி கிளார்க் திருப்பூர்-அவிநாசி ரோடு தனியார் கூட்ட அரங்கில் மார்ச் 3ம் தேதி ஆலோசனைகள் வழங்குகிறார்.

அமெரிக்கா, ஜப்பான், தென் கொரியா உள்ளிட்ட சந்தைகளில் ஜெர்சி மற்றும் புல்லோவர் உள்ளிட்ட 10 ஜவுளி பொருட்கள் பெரும் வரவேற்பைப் பெற்றுள்ளன. சமீபத்தில் அமெரிக்க ஆடை சந்தையில் சுமார் 2.4 பில்லியன் டாலர் அளவிற்கு சீனாவால் கைவிடப்பட்டுள்ளது, இதில் இந்தியா வெறும் 237 மில்லியன் டாலர்களை மட்டும் கைப்பற்றியுள்ளது, மொத்த மதிப்பில் இது 1 சதவீதமாகும். அமெரிக்காவிற்கு சீனாவினால் ஏற்றுமதி செய்யப்படும் முதல் 10 சீன தயாரிப்புகள் ஜெர்சி, புல்லோவர்ஸ், கார்டிகன்ஸ், பருத்தி  செயற்கை இழைகளால் செய்யப்பட்ட இடுப்பு கோட்டுகள், கால்சட்டை, பருத்தி செயற்கை இழைகளால் செய்யப்பட்ட குறும்படங்கள், உள்ளாடை டி-ஷர்ட்கள், சிங்கிள்ஸ் மற்றும் டிராக் சூட்கள் ஆகும்.  ஐரோப்பிய ஒன்றியம், ஜப்பான் மற்றும் தென் கொரியாவிற்கான முதல் 10 சீன ஆடை ஏற்றுமதியை ஏஇபிசி அடையாளம் கண்டுள்ளது. அந்த தயாரிப்புகளில் இந்தியா பின்னலாடை உற்பத்தியாளர்கள் தீவிரம் காட்ட வேண்டும்.  இதில், ரிலையன்ஸ் நிறுவனம் செயற்கை இழைகளால் உருவாக்கப்பட்ட மேன்மேடு நவீன மற்றும் புதுமையான  துணிகளை காட்சிப்படுத்த உள்ளது. இவ்வாறு அவர் கூறினார்.