திருமங்கலம், பிப். 13: திருமங்கலம் ராயபாளையத்தில் அமைந்துள்ள சத்ய யுக சிருஷ்டி கோயிலில் 6ம் கட்டமாக நேற்று நடந்த கும்பாபிஷேகத்தில் ஏராளமான பக்தர்கள் கலந்து கொண்டனர். திருமங்கலம் அருகேயுள்ள ராயபாளையத்தில் சத்ய யுக சிருஷ்டி கோயில் வளாகத்தில் 108 திருக்கோயில்கள் அமைந்துள்ளன. இந்த கோயில்களுக்கு 7 கட்டமாக கும்பாபிஷேகம் நடைபெற்று வருகிறது. நேற்று 6ம் கட்டமாக ரங்கநாதர், ஹயகிரீவர், தன்வந்தரி, சக்கரத்தாழ்வாளர், கருடாழ்வார் மற்றும் 12 ஆழ்வார் கோயில்களில் கும்பாபிஷேகம் நடைபெற்றது. எஸ்.எஸ். கோட்டை பரஞ்ஜோதி சுவாமி தலைமையில் மகாகும்பாபிஷேகம் நடைபெற்றது.