உளுந்தூர்பேட்டை, டிச. 13: உளுந்தூர்பேட்டை அருகே உள்ளது கருவேப்பிலைப்பாளையம் கிராமம். இந்த கிராமத்தில் சுமார் 2 ஆயிரத்திற்கும் மேற்பட்ட பொதுமக்கள் வசித்து வருகின்றனர். இந்த கிராமத்தை சேர்ந்தவர்கள் கருவேப்பிலைபாளையம் கிராமத்தை ஒரே கிராம ஊராட்சியாக அறிவித்து விழுப்புரம் மாவட்டத்துடன் இணைக்க வேண்டும் என்றும் என கருப்புகொடி போராட்டம் உள்ளிட்ட பல்வேறு கட்ட தொடர் போராட்டத்தில் ஈடுபட்டு வருகின்றனர். இதே போல் மற்றொரு தரப்பினர் திருநாவலூர் ஒன்றியத்தில் இணைத்து கள்ளக்குறிச்சி மாவட்டத்துடன் சேர்க்க வேண்டும் என விழுப்புரம் மற்றும் கள்ளக்குறிச்சி மாவட்ட ஆட்சியர்களை சந்தித்து மனு கொடுத்து வருகின்றனர்.