மதுரை, டிச. 11: தடகள போட்டியில் மதுரை அரசு விளையாட்டு விடுதி வீரர்கள் சாதனை படைத்தனர். மாநில அளவிலான குடியரசு தினவிழா தடகள போட்டி திருச்சியில் நடந்தது. தமிழ்நாடு விளையாட்டு மேம்பாட்டு ஆணையத்தின் மதுரை விளையாட்டு விடுதி சார்பில் மாணவர்கள் போட்டிகளில் கலந்து கொண்டனர். இதில் பலரும் பதக்கங்களை பெற்றனர். குறிப்பாக 17 வயதுக்கு உட்பட்டோருக்கான பிரிவில் 800 மீட்டர் ஓட்டப்பந்தயத்தில் மாதேஷ் 1:55.29 விநாடிகளில் கடந்து புதிய சாதனை படைத்தார். மேலும் இவர் ஆண்கள் முதியோர் பிரிவில் இந்திய தடகள சம்மேளனம் நடத்தும் பயிற்சி முகாமிற்கு தேர்வு பெற்று பயிற்சியில் உள்ளார்.