பாபநாசம், நவ. 14: பாபநாசம் அரசு ஆண்கள் மேல்நிலைப்பள்ளி விளையாட்டு மைதானத்தில் இடிந்து விழுந்த காம்பவுன்ட் சுவர் புதிதாக கட்டப்படுமா என்று பொதுமக்கள் எதிர்பார்த்துள்ளனர். பாபநாசம் அரசு ஆண்கள் மேல்நிலைப்பள்ளியில் 500க்கும் மேற்பட்ட மாணவர்கள் படித்து வருகின்றனர். இந்த பள்ளி அருகில் வேகத்தடை அமைக்கப்படாமல் விளையாட்டு மைதானம் அருகில் வேகத்தடை அமைக்கப் பட்டுள்ளது. இது ஒருபக்கம் இருந்தாலும் இந்த சாலை மோசமான நிலையில் இருந்தாலும் இந்த சாலையில் செல்லும் வாகனங்கள் அதிவேகமாக செல்கின்றன.வாகன ஓட்டிகளின் வேகத்தை குறைப்பதற்காக இந்த வேகத்தடைகள் அமைக்கப்பட்டாலும் வாகனங்கள் வேகத்தை குறைத்து வேகத்தடை மீது ஏறி செல்வதை தவிர்ப்பதற்காக வேகத்தடையின் ஓரத்தின் வழியாக செல்கின்றனர். இதனால் வேகத் தடை அருகில் பெரிய பள்ளம் ஏற்பட்டுள்ளது. இந்த பள்ளத்தை சரியாக கவனிக்காமல் வரும் வாகன ஓட்டிகள் விபத்தில் சிக்க நேரிடும்.