காரைக்கால், நவ. 13: காரைக்கால் மாதூர் வேளாண் அறிவியல் நிலைய தினக்கூலி ஊழியர்களுக்கும் 7வது ஊதியக்குழு சம்பளம் வழங்க அரசு ஊழியர் சம்மேளனம் வலியுறுத்தியுள்ளது. காரைக்கால் வேளாண் அறிவியல் நிலைய முதல்வர் ரத்தின சபாபதியை, அரசு ஊழியர் சங்கங்களின் சம்மேளன கவுரவ தலைவர் ஜெய்சிங், பொதுச்செயலாளர் ஷேக் அலாவுதீன் ஆகியோர் வேளாண் அறிவியல் நிலைய அலுவலகத்தில் நேரில் சந்தித்து பேசினர்.அப்போது 7வது ஊதியக்குழு ஊதியத்தை பஜன்கோவா தினக்கூலி ஊழியர்களுக்கு வழங்குவதுபோல் காரைக்கால் மாதூர் வேளாண்அறிவியல் நிலையத்தில் பணிபுரியும் தினக்கூலி ஊழியர்களுக்கும், சம வேலைக்கு சம ஊதியம் என்ற அடிப்படையில் உயர்த்தி வழங்க வேண்டும்.