சேலம், நவ.13: சேலம் மணியனூர் அரசு மேல்நிலைப்பள்ளியில் லயன்ஸ் கிளப் சார்பில் மாணவர்களுக்கு இலவச நோட்டு புத்தகம், பரிசுகள் வழங்கும் விழா நேற்று நடந்தது. மிட்டாய் சீனிவாசன் தலைமை வகித்தார். தலைமை ஆசிரியர் தமிழ்ச்செல்வன் முன்னிலை வகித்தார். காங்கிரஸ் கட்சியின் செயல் தலைவர் மோகன் குமாரமங்கலம் சிறப்பு விருந்தினராக கலந்துகொண்டு பேசினார். தொடர்ந்து, பள்ளியில் படிக்கும் 450 மாணவ, மாணவிகளுக்கு இலவச நோட்டு புத்தகங்களை வழங்கினார். 10ம் வகுப்பில் சிறப்பிடம் பிடித்த மாணவர்களுக்கு பரிசுகள் வழங்கப்பட்டது.