கோவில்பட்டி நகராட்சி பகுதிகளில் டெங்கு களப்பணியாளர்கள் ஆய்வு


கோவில்பட்டி. நவ.8:கோவில்பட்டி நகராட்சி பகுதிகளில் டெங்கு களப்பணியாளர்கள் ஆய்வு மேற்கொண்டனர்.கோவில்பட்டி நகராட்சி 36 வார்டு பகுதியிலும் டெங்கு தடுப்பு நடவடிக்கை பணிகள் தீவிரப்படுத்தப்பட்டு உள்ளது. அனைத்து வார்டு பகுதிகளிலும் மகளிர் குழுவில் இருந்து தேர்ந்தெடுக்கப்பட்டுள்ள 85 களப்பணியாளர்கள் வீடு வீடாகச் சென்று வீட்டைச் சுற்றியிலும், மொட்டை மாடியிலும் மழைநீர் தேங்கி டெங்கு காய்ச்சல் பரப்புகின்ற ஏடிஸ் வகை கொசுப்புழுக்கள் உற்பத்தியாக வாய்ப்புள்ள பிளாஸ்டிக் காலி டப்பாக்கள், சிரட்டைகள், பாட்டில்கள், டயர்கள் முதலிய பயன்பாட்டில் இல்லாத பொருட்களை அகற்றியும், தண்ணீர் தேக்கி வைத்துள்ள பேரல்கள், சிமென்ட் தொட்டிகள், குடிநீர் இணைப்புத் தொட்டிகள், கீழ்நிலை நீர் தேக்கத்தொட்டிகள் மற்றும் மேல்நிலை நீர்தேக்கத்தொட்டிகளை ஆய்வு செய்தும், அபேட் கரைசல் தெளித்தும், கொசுப்புழு ஒழிப்பு பணிகளை செய்து வருகிறார்கள்.

   நேற்று நகராட்சி 26, 27வார்டுக்குட்பட்ட வீரவாஞ்சிநகர் பகுதிகளிலும், 9,10வார்டுக்குட்பட்ட வள்ளுவர்நகர் பகுதிகளிலும், நடைபெற் கொசுப்புழு ஒழிப்பு பணிகளை பொது சுகாதாரத்துறை மாவட்ட பயிற்சி மைய மருத்துவ அலுவலர் வர்த்தீஸ்வரி, துணை இயக்குநரக புள்ளியியல் அலுவலர் அமுதா ஆகியோர் பார்வையிட்டு ஆய்வு செய்தனர். ஆய்வின் போது நகர்நல மைய மருத்துவர் அப்துல், நகராட்சி சுகாதார அலுவலர் இளங்கோ, சுகாதார ஆய்வாளர்கள் சுரேஷ், முருகன், வள்ளிராஜ், சுரேஷ்குமார், மேற்பார்வையாளர்கள், முருகன், குருசாமி, தூய்மை இந்தியா திட்ட மேற்பார்வையாளர்கள் மகேந்திரன், இளையராஜா ஆகியோர் உடனிருந்தார்கள்.

Tags : Kovilpatti ,dengue field workers ,areas ,
× RELATED பணமதிப்பு நீக்கத்தால் பொருளாதார மந்தநிலை: ஆய்வில் தகவல்