புதுச்சேரி, செப். 20: புதிய மோட்டார் வாகன சட்டத்தை எதிர்த்து நாடு முழுவதும் லாரிகள் ஸ்டிரைக் நடைபெற்று வரும் நிலையில் புதுச்சேரியில் 1000 லாரிகள் ஓடவில்லை. இதனால் கோடிக்கணக்கிலான வர்த்தகம் பாதிக்கப்பட்டுள்ளது. மத்திய அரசின் ேமாட்டார் வாகன சட்டத் திருத்தம் செய்து சாலை விதிகளை மீறுபவர்களுக்கான அபராத தொகையை உயர்த்தியுள்ளது. இதை மறுபரிசீலனை செய்யக்கோரி அகில இந்திய மோட்டார் வாகன போக்குகூரத்து காங்கிரஸ் ஒருநாள் நேற்று (19ம்தேதி) அடையாள வேலை நிறுத்தம் அறிவித்தது. அதன்படி நாடு முழுவதும் லாரி உரிமையாளர்கள் வேலை நிறுத்தம் மேற்கொண்டு வருகின்றனர். இந்த போராட்டத்துக்கு புதுச்சேரி லாரி உரிமையாளர் சங்கமும் ஆதரவு தெரிவித்திருந்த நிலையில், நேற்று பெரும்பாலான லாரிகள் இயங்கவில்லை.அதிகாலையில் பெரிய மார்க்கெட்டில் சரக்குகளை இறக்கிவிட்டு சென்ற லாரிகள் மட்டுமின்றி மற்ற லாரிகளும் மாநில எல்லை பகுதிகளிலும், மேட்டுப்பாளையம் கனரக ஊர்தி முனையத்திலும் நிறுத்தி வைக்கப்பட்டிருந்தன.