ஓமலூர், செப்.17: தாரமங்கலம் கைலாசநாதர் கோயிலுக்கு சொந்தமான 2 குளங்கள் மாசடைந்து, பிளாஸ்டிக் கழிவுகள் நிறைந்து காணப்படுகிறது. இதை சீரமைக்க பக்தர்கள் கோரிக்கை விடுத்துள்ளனர்.தாரமங்கலத்தில் சிற்பகலைக்கு வரலாற்று புகழ்பெற்ற கைலாசநாதர் கோயில் உள்ளது. இந்த கோயிலுக்கு சொந்தமாக பஸ் ஸ்டாண்டின் இருபுறமும் 2 தெப்பக்குளங்கள் உள்ளன. இந்த குளத்தில் பிளாஸ்டிக் கழிவுகள் நிரம்பி மிதக்கிறது. மேலும், தண்ணீர் பாசி படிந்து பச்சை நிறத்தில் காணப்படுகிறது. பெரிய குளத்தில் ஆண்டுதோறும் தை பூசத்தில் கைலாசநாதர் சிவகாம சுந்தரி தெப்ப உற்சவம் நடைபெறும். அன்று மட்டும் தான் தெப்பக்குளம் பராமரிக்கப்படுகிறது. அதன் பிறகு தெப்பக்குளத்தை யாரும் கண்டுகொள்வது இல்லை.