திருச்செங்கோடு, செப்.15: திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின் தலைமையகத்தில், மஞ்சள் ஏலம் நேற்று நடைபெற்றது. இதில், விரலி மஞ்சள் குவிண்டால் ₹7223 முதல் ₹8009 வரையிலும், கிழங்கு மஞ்சள் ₹6399 முதல் ₹6899 வரையிலும், பனங்காளி ₹11979 முதல் ₹13699 வரையிலும் விற்பனையானது. மொத்தம் விவசாயிகள் கொண்டு வந்த 1005 மூட்டை மஞ்சள், ₹40 லட்சத்துக்கு விற்பனை ஆனது. ஏலம் மூலம் விற்பனை நடப்பதால் விவசாயிகளுக்கு அதிக விலை கிடைக்கிறது. இதனை மஞ்சள் விவசாயிகள் பயன்படுத்திக் கொள்ள வேண்டும் என கூட்டுறவு சங்க தலைவர் திருமூர்த்தி மற்றும் மேலாண் இயக்குனர் ரவிக்குமார் கேட்டுக் கொண்டுள்ளனர்.
திருச்செங்கோட்டில் 1005 மூட்டை மஞ்சள் ₹40 லட்சத்திற்கு விற்பனை
05:24 am Sep 15, 2019 |
