மதுரை, செப். 15: மதுரை அரசு மருத்துவமனையில் ஒருங்கிணைந்த ஆப்ரேஷன் தியேட்டர் கட்டுமான இடத்தில் மண் பரிசோதனை செய்யும் பணி நேற்று துவங்கியது. இப்பணி 5 நாட்கள் நடக்கும் என தெரிவிக்கப்பட்டுள்ளது.
மதுரை அரசு மருத்துவமனையில், ஒரே இடத்தில் 26 ஆப்ரேஷன் தியேட்டர்கள் ஒருங்கிணைக்கப்பட்ட, `காம்ப்ளக்ஸ் ஆபரேஷன் தியேட்டர்’ அமைய உள்ளது. இதற்கு ஜப்பான் நாட்டின் ஜைக்கா நிறுவனம், மருத்துவ மேம்பாட்டு திட்டத்தின் கீழ், ரூ.350 கோடி நிதி ஒதுக்கீடு செய்து மருத்துவமனையின் கண்வார்டு, தோல் நோய் சிகிச்சை பிரிவு மற்றும் அலுவலக அறைகள் உள்ளிட்ட பகுதிகள் இடிக்கப்பட்டு, அந்த இடத்தில், காம்ப்ளக்ஸ் ஆபரேஷன் தியேட்டருக்கான கட்டிடம் அமைக்க முடிவு செய்யப்பட்டது.