ஈரோடு, செப். 15: ஈரோட்டில் புதைவட மின் கேபிள் திட்டத்திற்காக கம்பிகள் அகற்றும் போது கம்பம் விழுந்து போக்குவரத்து பாதிக்கப்பட்டது. ஈரோடு மாநகரில் புதைவட மின் கேபிள் திட்டம் செயல்படுத்தப்பட்டு வருகிறது. இத்திட்டத்தில் மின் கம்பங்களின் வழியே மின் கம்பிகள் செல்லாமல், நிலத்தில் குழி தோண்டி, குழாய்களின் உட்புறம் மின் கேபிளை கொண்டு செல்லும் பணிகள் நடந்து வருகிறது. இத்திட்ட பணிகள் நடந்து முடிந்த பகுதிகளில் புதைவட கேபிள் மூலமாகவே மின் இணைப்பு வழங்கப்பட்டு வருகிறது. இந்நிலையில், ஈரோடு நாச்சியப்பா வீதியில் மின் கம்பத்தில் இருந்து மின் கம்பியை மாற்றி புதைவட கேபிளில் இணைக்கும் பணிகள் நடந்தது. பின்னர், மின் கம்பங்களில் இருந்து தேவையற்ற மின் கம்பிகள் அகற்றும் பணி நடந்து வந்தது.