ஊரக வளர்ச்சி அலுவலர்கள் ஆர்ப்பாட்டம்

கோவை, ஆக.20:  கோரிக்கைகளை வலியுறுத்தி ஊரக வளர்ச்சி அலுவலர் சங்கத்தினர் நேற்று கோவை கலெக்டர் அலுவலகத்தில் ஆர்ப்பாட்டம் நடத்தினர். சங்கத்தின் மாவட்ட தலைவர் முத்துராஜ் தலைமையில் நடந்த ஆர்ப்பாட்டத்தை செயலாளர் ஜெகதீசன் துவக்கி வைத்தார். அப்போது அவர் பேசியதாவது: தென்காசியில் நடந்த மாநில மாநாட்டில் நிறைவேற்றப்பட்ட தீர்மானத்தின் படி மாநிலம் முழுவதும் மாவட்ட தலைநகரங்களில் ஆர்ப்பாட்டம் நடக்கிறது.  

ஊரக வளர்ச்சி துறையில் உள்ள அனைத்து காலி பணியிடங்களையும் நிரப்ப வேண்டும். பெரிய ஊராட்சி மற்றும் ஊராட்சி ஒன்றியங்களை பிரிக்க வேண்டும். ஜாக்டோ-ஜியோ போராட்டத்தில் பங்கேற்ற ஊழியர்கள் மீது எடுக்கப்பட்ட நடவடிக்கைகளை கைவிடவேண்டும். ஊராட்சி செயலாளர்களை அரசு ஊழியர்களாக அறிவிக்க வேண்டும். மேலும், அவர்களுக்கு வரையறுக்கப்பட்ட ஊதியம் உள்ளிட்ட பலன்களை வழங்க வேண்டும். உள்ளிட்ட 22 அம்சங்களை வலியுறுத்தி ஆர்ப்பாட்டம் நடக்கிறது.இவ்வாறு அவர் பேசினார்.